म. टा. प्रतिनिधी, नगर
अंगणवाडी सेविका व मदतनीस यांना तत्काळ वेतनवाढ देण्यात यावी, यासह विविध मागण्यांसाठी अंगणवाडी सेविकांनी मंगळवारी जिल्हाधिकारी कार्यालयावर मोर्चा काढला. मोर्चा जिल्हाधिकारी कार्यालयावर आल्यानंतर येथील रस्त्यावर आंदोलकांची गर्दी झाली. त्यामुळे पोलिसांनी हा रस्ता वाहतुकीसाठी बंद केला होता.
महाराष्ट्र साईश्रद्धा अंगणवाडी महिला संघटना यांनी काढलेला हा मोर्चा टिळक रोड येथून सुरू झाला. टिळक रोड, वाडिया पार्क, माळीवाडा, आशा टॉकीज रोड, माणिक चौक, भिंगारवाला चौक मार्गे हा मोर्चा जिल्हाधिकारी कार्यालयावर दुपारी दोन वाजता आला. मोर्चामध्ये सहभागी झालेल्या महिला या जिल्हाधिकारी कार्यालयासमोर असणाऱ्या रस्त्यावरच खाली बसल्याने हा मार्ग वाहतुकीसाठी बंद झाला. अखेर पोलिसांनीदेखील गाडी लावून जिल्हाधिकारी कार्यालय ते जीपीओ चौक हा रस्ता वाहतुकीसाठी बंद करण्यात आल्या. मोर्चामध्ये सहभागी झालेल्या महिलांनी सरकारच्या विरोधात घोषणाबाजी करीत जिल्हाधिकारी कार्यालयाचा परिसर दणाणून सोडला. वारंवार आंदोलन करूनसुद्धा सरकार मागण्या पूर्ण करीत नसल्याचे या वेळी सांगण्यात आले.
चौकट ः
प्रमुख मागण्या
- दिल्ली, केरळ, कर्नाटक, तमिळनाडू, गोवा, आंध्रप्रदेश, पश्चिम बंगाल या राज्यांप्रमाणे महाराष्ट्र राज्य व केंद्र सरकारने अंगणवाडी सेविकांना किमान १८ हजार व मदतनीस यांना १५ हजार रुपये वेतन द्यावे.
- सेवा निवृत्तीनंतर देण्यात येणारी लाभाची रक्कम ही दोन लाख रुपये करण्यात यावी.
- सेविकांना ५ हजार व मदतनीस यांना ३ हजार रुपये दरमहा पेन्शन देण्यात यावी.
- दर्जेदार पोषण आहार द्यावा.
अंगणवाडी सेविका व मदतनीस यांना तत्काळ वेतनवाढ देण्यात यावी, यासह विविध मागण्यांसाठी अंगणवाडी सेविकांनी मंगळवारी जिल्हाधिकारी कार्यालयावर मोर्चा काढला. मोर्चा जिल्हाधिकारी कार्यालयावर आल्यानंतर येथील रस्त्यावर आंदोलकांची गर्दी झाली. त्यामुळे पोलिसांनी हा रस्ता वाहतुकीसाठी बंद केला होता.
महाराष्ट्र साईश्रद्धा अंगणवाडी महिला संघटना यांनी काढलेला हा मोर्चा टिळक रोड येथून सुरू झाला. टिळक रोड, वाडिया पार्क, माळीवाडा, आशा टॉकीज रोड, माणिक चौक, भिंगारवाला चौक मार्गे हा मोर्चा जिल्हाधिकारी कार्यालयावर दुपारी दोन वाजता आला. मोर्चामध्ये सहभागी झालेल्या महिला या जिल्हाधिकारी कार्यालयासमोर असणाऱ्या रस्त्यावरच खाली बसल्याने हा मार्ग वाहतुकीसाठी बंद झाला. अखेर पोलिसांनीदेखील गाडी लावून जिल्हाधिकारी कार्यालय ते जीपीओ चौक हा रस्ता वाहतुकीसाठी बंद करण्यात आल्या. मोर्चामध्ये सहभागी झालेल्या महिलांनी सरकारच्या विरोधात घोषणाबाजी करीत जिल्हाधिकारी कार्यालयाचा परिसर दणाणून सोडला. वारंवार आंदोलन करूनसुद्धा सरकार मागण्या पूर्ण करीत नसल्याचे या वेळी सांगण्यात आले.
चौकट ः
प्रमुख मागण्या
- दिल्ली, केरळ, कर्नाटक, तमिळनाडू, गोवा, आंध्रप्रदेश, पश्चिम बंगाल या राज्यांप्रमाणे महाराष्ट्र राज्य व केंद्र सरकारने अंगणवाडी सेविकांना किमान १८ हजार व मदतनीस यांना १५ हजार रुपये वेतन द्यावे.
- सेवा निवृत्तीनंतर देण्यात येणारी लाभाची रक्कम ही दोन लाख रुपये करण्यात यावी.
- सेविकांना ५ हजार व मदतनीस यांना ३ हजार रुपये दरमहा पेन्शन देण्यात यावी.
- दर्जेदार पोषण आहार द्यावा.