नगर : तोफखाना पोलिस स्टेशनचा एक कर्मचारी निलंबित झाल्यानंतर काही दिवसांतच दुसऱ्या एका कर्मचाऱ्याला सेवेतून निलंबित करण्यात आले आहे. हा कर्मचारी पैसे मागतानाचा व्हिडिओ व्हायरल झाला होता. त्यानंतर पोलिस अधीक्षकांनी ही कारवाई केली. बाळकृष्ण दौंड असे निलंबित केलेल्या कर्मचाऱ्याचे नाव आहे. गेल्या आठवड्यात एकाकड़ून पैसे घेताना पोलिस कर्मचारी नंदकुमार सांगळे याचा व्हिडिओ व्हायरल झाल्यानंतर पोलिस अधीक्षक इशू सिंधू यांनी या कर्मचाऱ्याला तडकाफडकी सेवेतून निलंबित केले होते. त्यानंतर मंगळवारी तोफखाना पोलिस स्टेशनचा कर्मचारी बाळकृष्ण दौंड याचाही पैशासंबंधात एक व्हिडिओ व्हायरल झाला होता. या व्हिडिओमधील संभाषणानुसार बेकायदा व्यवसाय सुरू ठेवण्यासाठी दौंड हप्ता मागत असल्याचे स्पष्ट होत आहे. त्यामुळे त्याच्यावर निलंबनाची कारवाई करण्यात आली.
आणखी एक पोलिस कर्मचारी निलंबित
तोफखाना पोलिस स्टेशनचा एक कर्मचारी निलंबित झाल्यानंतर काही दिवसांतच दुसऱ्या एका कर्मचाऱ्याला सेवेतून निलंबित करण्यात आले आहे...
महाराष्ट्र टाइम्स.कॉम 18 Jul 2019, 4:00 am