३४ हजार क्विंटल कांद्याची आवक
नगर : नगर बाजार समितीत सध्या कांद्याची आवक वाढली आहे. शनिवारी लिलावावेळी ३३ हजार ७८१ क्विंटल कांद्याची आवक झाली होती. यावेळी लिलावात कांद्यास सरासरी एक हजार क्विंटल असा बाजारभाव मिळाला. आवक वाढली वाढली असली तरी कांद्याचे भाव मात्र स्थिर राहिले. मागील आठवड्यात आवक कमी असतानाही कांद्यास एक हजार रुपये भाव मिळाला होता.
जिल्ह्यात खरीप हंगामातील पेरण्या सुरू झाल्याने मागील काही दिवसांपासून कांद्याची आवक मंदावली होती. मागील आठवड्यात वीस हजार क्विंटलपर्यंत आवक गेली होती. आता मात्र शनिवारी आवक वाढल्याचे दिसले. दिवसभरात तब्बल ३३ हजार ७८१ क्विंटल आवक झाली. आवक वाढल्याने भाव घसरतील असे वाटत होते. परंतु, भाव मात्र स्थिर राहिले. लिलावात कांद्यास सरासरी एक हजार क्विंटल असा भाव मिळाला. म्हणजेच एक किलोस दहा रुपये भाव मिळाला. काही दिवसांपासून कांद्याच्या दरात घसरण होत आहे. कांद्याची आवक वाढली किंवा कमी झाली तरी देखील दरातील घसरण सुरुच आहे. बाजार समितीत होणाऱ्या लिलावात कांद्यास समाधानकारक भाव मिळत नसल्याचेही शेतकऱ्यांचे म्हणणे आहे.