म. टा. प्रतिनिधी, नगर
नगरमधील रेसिडेन्सियल हायस्कूलच्या गेटजवळ रॅगिंग विषयावर लघुपटाची शूटिंग सुरू असताना विद्यार्थ्यांमध्ये वादावादी होऊन मारहाणीची घटना घडली आहे. त्यानंतर दगडफेक झाली असून, यात नगरमधील एका पोलिस अधिकाऱ्याचा मुलगा जखमी झाला आहे. रेसिडेन्सिअलच्या अकरावी व बारावीच्या विद्यार्थ्यांनी सिनियर कॉलेजमधील विद्यार्थ्यांवर हल्ला केला आहे.
शुक्रवारी सायंकाळी चारच्या सुमारास हा प्रकार घडला असून, गुन्हा दाखल करण्याबाबतची कार्यवाही उशिरापर्यंत सुरू होती. यात सहायक पोलिस निरीक्षक बजरंग चौगुले यांचा मुलगा साहिल चौगुले हा जखमी झाला असून, त्याच्यावर सिव्हिल हॉस्पिटलमध्ये उपचार करण्यात येत आहे. तर तीन विद्यार्थी किरकोळ जखमी झाले. न्यू आर्ट्स कॉलेजमध्ये शिक्षण घेत असलेले बीएच्या पहिल्या व दुसऱ्या वर्षाचे विद्यार्थी हे रॅगिंग विषयावर लघुपट तयार करत होते. त्यांना मास कॅम्युनिकेशन डिपार्टमेंटचे काही विद्यार्थी हे मदत करत होते. रेसिडेन्सिअल हायस्कूलच्या मैदानावर सकाळपासून या लघुपटाची शूटिंग सुरू होते. सायंकाळी चार वाजण्याच्या सुमारास रेसिडन्सिअलच्या गेटजवळ शूटिंग सुरू होते. त्याच वेळी अकरावी व बारावीचे वर्ग सुटले होते. अकरावी व बारावीचे विद्यार्थी हे घरी जात होते. त्या वेळी या विद्यार्थ्यांनी गोंधळ घातला. शूटिंगमध्ये अडथळा आणू नका, असे सिनिअर कॉलेजचे विद्यार्थी या विद्यार्थ्यांना सांगत होते. त्याच वेळी चौगुले याच्या पायावरून एका विद्यार्थ्याची मोटारसायकलचे चाक गेले. त्यावरून वाद झाला. त्यानंतर एका विद्यार्थ्यांने आपले १५ ते वीस वर्ग मित्र आणून आणखी गोंधळ घालून चौगुलेसह इतर तिघांना मारहाण केली. त्यानंतर दगडफेक करून विद्यार्थी हे पसार झाले. यात जखमी झालेल्या चौगुले याला सिव्हिल हॉस्पिटलमध्ये उपचारासाठी दाखल करण्यात आले आहे.
तोफखाना पोलिसांनी जखमीचा जबाब घेतला असून, त्यानुसार जखमीला मारहाण करणाऱ्याचे नावे सांगता येत नाही. शाळेच्या कपड्यावरून हे रेसिडेन्सिअल हायस्कूलचे अकरावी व बारावीचे विद्यार्थी आहे. याप्रकरणी अज्ञात आरोपीविरुद्ध गुन्हा दाखल करण्यात येत असल्याची माहिती तोफखाना पोलिस स्टेशनचे पोलिस निरीक्षक सुरेश सपकाळे यांनी दिली.
नगरमधील रेसिडेन्सियल हायस्कूलच्या गेटजवळ रॅगिंग विषयावर लघुपटाची शूटिंग सुरू असताना विद्यार्थ्यांमध्ये वादावादी होऊन मारहाणीची घटना घडली आहे. त्यानंतर दगडफेक झाली असून, यात नगरमधील एका पोलिस अधिकाऱ्याचा मुलगा जखमी झाला आहे. रेसिडेन्सिअलच्या अकरावी व बारावीच्या विद्यार्थ्यांनी सिनियर कॉलेजमधील विद्यार्थ्यांवर हल्ला केला आहे.
शुक्रवारी सायंकाळी चारच्या सुमारास हा प्रकार घडला असून, गुन्हा दाखल करण्याबाबतची कार्यवाही उशिरापर्यंत सुरू होती. यात सहायक पोलिस निरीक्षक बजरंग चौगुले यांचा मुलगा साहिल चौगुले हा जखमी झाला असून, त्याच्यावर सिव्हिल हॉस्पिटलमध्ये उपचार करण्यात येत आहे. तर तीन विद्यार्थी किरकोळ जखमी झाले. न्यू आर्ट्स कॉलेजमध्ये शिक्षण घेत असलेले बीएच्या पहिल्या व दुसऱ्या वर्षाचे विद्यार्थी हे रॅगिंग विषयावर लघुपट तयार करत होते. त्यांना मास कॅम्युनिकेशन डिपार्टमेंटचे काही विद्यार्थी हे मदत करत होते. रेसिडेन्सिअल हायस्कूलच्या मैदानावर सकाळपासून या लघुपटाची शूटिंग सुरू होते. सायंकाळी चार वाजण्याच्या सुमारास रेसिडन्सिअलच्या गेटजवळ शूटिंग सुरू होते. त्याच वेळी अकरावी व बारावीचे वर्ग सुटले होते. अकरावी व बारावीचे विद्यार्थी हे घरी जात होते. त्या वेळी या विद्यार्थ्यांनी गोंधळ घातला. शूटिंगमध्ये अडथळा आणू नका, असे सिनिअर कॉलेजचे विद्यार्थी या विद्यार्थ्यांना सांगत होते. त्याच वेळी चौगुले याच्या पायावरून एका विद्यार्थ्याची मोटारसायकलचे चाक गेले. त्यावरून वाद झाला. त्यानंतर एका विद्यार्थ्यांने आपले १५ ते वीस वर्ग मित्र आणून आणखी गोंधळ घालून चौगुलेसह इतर तिघांना मारहाण केली. त्यानंतर दगडफेक करून विद्यार्थी हे पसार झाले. यात जखमी झालेल्या चौगुले याला सिव्हिल हॉस्पिटलमध्ये उपचारासाठी दाखल करण्यात आले आहे.
तोफखाना पोलिसांनी जखमीचा जबाब घेतला असून, त्यानुसार जखमीला मारहाण करणाऱ्याचे नावे सांगता येत नाही. शाळेच्या कपड्यावरून हे रेसिडेन्सिअल हायस्कूलचे अकरावी व बारावीचे विद्यार्थी आहे. याप्रकरणी अज्ञात आरोपीविरुद्ध गुन्हा दाखल करण्यात येत असल्याची माहिती तोफखाना पोलिस स्टेशनचे पोलिस निरीक्षक सुरेश सपकाळे यांनी दिली.