नगर : येथील न्यू आर्टस्, कॉमर्स अँड सायन्स कॉलेजमधील शिक्षकेतर कर्मचारी माजी सिनेट सदस्य शिवाजी जगन्नाथ साबळे यांना सावित्रीबाई फुले पुणे विद्यापीठाचा 'गुणवंत शिक्षकेतर सेवक पुरस्कार- २०२०' जाहीर झाला होता. विद्यापीठाच्या वर्धापन दिनानिमित्त आयोजित कार्यक्रमात हा पुरस्कार साबळे यांना कुलगुरू डॉ. नितीन करमळकर यांच्या हस्ते प्रदान करण्यात आला. अकरा हजार रुपये रोख, सन्मानचिन्ह व प्रमाणपत्र असे या पुरस्काराचे स्वरुप आहे. याप्रसंगी उपकुलगुरू डॉ. एन. एस. उमराणी, साबळे यांच्या मातोश्री तारामती साबळे व मॅनजमेंट कौन्सिल सदस्य उपस्थित होते. पुरस्कार मिळाल्याबद्दल साबळे यांचे अहमदनगर जिल्हा मराठा विद्या प्रसारक समाज संस्थेचे पदाधिकारी, विश्वस्त, कॉलेजचे प्राचार्य, प्राध्यापक, शिक्षकेतर कर्मचारी यांनी अभिनंदन केले आहे.
माजी सिनेट सदस्य साबळे यांना पुरस्कार
येथील न्यू आर्टस्, कॉमर्स अँड सायन्स कॉलेजमधील शिक्षकेतर कर्मचारी माजी सिनेट सदस्य शिवाजी जगन्नाथ साबळे यांना सावित्रीबाई फुले पुणे विद्यापीठाचा ...
महाराष्ट्र टाइम्स.कॉम 23 Feb 2020, 4:00 am