म. टा. प्रतिनिधी, नगर
चोरीच्या संशयात पकडल्यानंतर पोलिसांच्या ताब्यात मृत्यू झालेल्या नितीन साठे प्रकरणात निलंबित पोलिस उपनिरीक्षक व चार कर्मचाऱ्यांचा जामीन बुधवारी मंजूर झाला आहे. साठे प्रकरणात हे पाच जण गेल्या वर्षभरापासून कारागृहात होते.
पोलिस उपनिरीक्षक विश्वनाथ निमसे, पोलिस कर्मचारी संजय शिंदे, संजय डाळीमकर, सादिक शेख, संजय खंडागळे यांना जामीन मंजूर झाला आहे. २०१५ मध्ये मे महिन्यात कोतवाली पोलिस स्टेशनचे पथक गस्तीवर होते. त्यात संशयित आरोपी म्हणून नितीन साठे याला पथकाने ताब्यात घेतले. परंतु, पोलिस चौकशी दरम्यान साठेचा मृत्यू झाला. त्यामुळे तत्कालीन पोलिस निरीक्षक ज्ञानेश्वर ढोकलेसह सहा जणांना निलंबित करण्यात आले होते. या गुन्ह्याचा तपास सीआयडीमार्फत करण्यात येऊन सहा जणांविरुद्ध सदोष मनुष्यवधाचा गुन्हा दाखल झाला होता. हे सर्व जण फरारी होते. पोलिस अधिकारी ज्ञानेश्वर ढोकले यांचा पुणे येथील येरवडा कारागृहात ह्रद्यविकाराच्या झटक्याने मृत्यू झाला. इतर पाच जणांच्या जामिनासाठी येथील जिल्हा न्यायाधीश ए. एन. चौरे यांच्यासमोर अर्ज करण्यात आले.
चोरीच्या संशयात पकडल्यानंतर पोलिसांच्या ताब्यात मृत्यू झालेल्या नितीन साठे प्रकरणात निलंबित पोलिस उपनिरीक्षक व चार कर्मचाऱ्यांचा जामीन बुधवारी मंजूर झाला आहे. साठे प्रकरणात हे पाच जण गेल्या वर्षभरापासून कारागृहात होते.
पोलिस उपनिरीक्षक विश्वनाथ निमसे, पोलिस कर्मचारी संजय शिंदे, संजय डाळीमकर, सादिक शेख, संजय खंडागळे यांना जामीन मंजूर झाला आहे. २०१५ मध्ये मे महिन्यात कोतवाली पोलिस स्टेशनचे पथक गस्तीवर होते. त्यात संशयित आरोपी म्हणून नितीन साठे याला पथकाने ताब्यात घेतले. परंतु, पोलिस चौकशी दरम्यान साठेचा मृत्यू झाला. त्यामुळे तत्कालीन पोलिस निरीक्षक ज्ञानेश्वर ढोकलेसह सहा जणांना निलंबित करण्यात आले होते. या गुन्ह्याचा तपास सीआयडीमार्फत करण्यात येऊन सहा जणांविरुद्ध सदोष मनुष्यवधाचा गुन्हा दाखल झाला होता. हे सर्व जण फरारी होते. पोलिस अधिकारी ज्ञानेश्वर ढोकले यांचा पुणे येथील येरवडा कारागृहात ह्रद्यविकाराच्या झटक्याने मृत्यू झाला. इतर पाच जणांच्या जामिनासाठी येथील जिल्हा न्यायाधीश ए. एन. चौरे यांच्यासमोर अर्ज करण्यात आले.