कर्जत-पंढरपूर बसचा शुभारंभ
म. टा. वृत्तसेवा, कर्जत
येथे सुमारे दोन कोटी रूपये खर्चुन नव्याने बांधण्यात येणाऱ्या कर्जत बसस्थानकाचे भूमिपूजन पालकमंत्री प्रा. राम शिंदे यांचे हस्ते करण्यात आले. या वेळी नव्याने सुरू करण्यात आलेल्या कर्जत-पंढरपूर बसचा शुभारंभ करण्यात आला. पहिले प्रवासी म्हणून पालकमंत्री शिंदे यांनी तिकीट काढले व गाडी मार्गस्थ केली. बसस्थानकाचे भूमिपूजन राज्याचे परिवहन मंत्री दिवाकर रावते यांच्या हस्ते होणार होते. मात्र, ते न आल्याने तालुक्यातून मोठ्यासंख्येने आलेल्या शिवसैनिकांचा मात्र, चांगलाच हिरमोड झाला.
या वेळी भाजपचे जिल्हाअध्यक्ष भानूदास बेरड, नामदेव राऊत, तालुका अध्यक्ष अशोक खेडकर, नगराध्यक्षा प्रतिभा भैलुमे, शिवसेनेचे तालुका प्रमुख दीपक शहाणे, पंचायत समितीच्या सभापती पुष्पा शेळके, उपसभापती प्रशांत बुद्धीवंत, शिवसेना नेते अमृत लिगंडे, प्रसाद ढोकरीकर, अंगद रूपनर, उमेश जेवरे, काका धांडे, ज्येष्ठ नेते बाळासाहेब पाटील, शांतीलाल कोपनर, अमृत काळदाते, धनराज कोपनर, अशोक जायभाय, पोपटराव मोरे, विनोद दळवी, अनिल गदादे, गणेश क्षीरसागर, रामदास हजारे, डॉ. कांचन खेत्रे, संपत बावडकर, वृषाली पाटील, डॉ. पंढरीनाथ गोरे, कैलास बोरूडे, सुभाष जाधव, डॉ. संदीप काळदाते, नितीन तोरडमल, काका ढेरे, महावीर बोरा, प्रांताधिकारी अर्चना नष्टे यांच्यासह एसटीचे अधिकारी उपस्थित होते.
नागपूरहून गाड्या
या वेळी शिंदे यांनी सांगितले की, 'ज्या सहा नवीन गाड्या येथे देण्यात आल्या आहेत. त्यामध्ये काही गाड्या थेट नागपूर येथून आलेल्या आहेत. तालुक्यात विकास कामे मोठ्या प्रमाणात होत आहेत. कर्जत हे धाकटी पंढरी म्हणून ओळखले जाते. येथून शनिवारपासून थेट पंढरीस जाण्यासाठी गाडी सुरू झाली आहे. एसटी गावात येते आणि नागरिक टमटममधून जाणार असतील तर एसटी बंद होईल. यामुळे सर्वांनी एसटीनेच प्रवास करावा. त्या तूडूंब गर्दीने भरा, असे आवाहन केले.
या वेळी बोलताना जिल्हाध्यक्ष भानूदास बेरड, अशोक खेडकर, प्रशांत बुद्धीवंत, अंगद रूपनर, अशोक जायभाय यांचीही भाषणे झाली. प्रस्ताविक शिवाजीराव देवकर यांनी केले. आभार प्रसाद ढोकरीकर यांनी मानले
कर्जत येथे दोन कोटींच्या विस्तारीत बसस्थानकाचे भूमिपूजन पालकमंत्री प्रा. राम शिंदे यांचे हस्ते झाले.
3 कर्जत येथून आज पासून 6 नवीन गाडयांची बससेवा सुरू झाली यामध्ये कर्जत ते पंढापुर गाडीचे पहिले प्रवासी पालकमंत्री प्रा राम शिंदे हे तिकीट काढताणा