म. टा. वृत्तसेवा, कर्जत
नगर-सोलापूर रस्त्यावर कर्जत तालुक्यातील माहिजळगाव चौफुला येथे पाणी वाहतूक करणारा मिनी टँकर आणि कंटेनर यांची टक्कर होऊन झालेल्या भीषण अपघातात मेघा यादव (वय ५२, रा. गांधीधाम, कच्छ, गुजरात) व मिनी टँकरचालक युवराज डाडर (वय २४, रा. पाटेगाव, ता. कर्जत) या दोघांचा जागीच मृत्यू झाला. या अपघातात अन्य तिघे गंभीर जखमी झाले आहेत. हा अपघात बुधवारी (१४ फेब्रुवारी) सकाळी साडेदहाच्या सुमारास घडला. रस्त्याच्या मधोमध दोन्ही वाहने अडकल्याने वाहतुकीची कोंडी झाली होती. यामुळे रस्त्यावर दुतर्फा वाहनांच्या लांबच्या लांब रांगा लागल्या होत्या.
उशिरा क्रेन आणून कंटेनरमध्ये अडकलेला मृतदेह बाहेर काढण्यात आला व वाहने रस्त्याच्या कडेला घेण्यात आली. हा अपघात एवढा भीषण होता की दोन्ही वाहनांची धडक झाल्यानंतर मोठा आवाज झाला. कसला आवाज झाला हे पाहण्यासाठी परिसरातील व्यापारी व नागरिक बाहेर आले व अपघात पाहून अपघातस्थळी मदतीसाठी त्यांनी धाव घेतली. कंटेनरचा चालक स्टेअरिंगमध्ये गुंतला होता त्याचे पाय कामरेखाली निकामी झाले होते. त्याचे आर्धे शरीर समोरून गाडीच्या बाहेर काच फोडून आले होते. तो मृतदेह अशा अवस्थेमध्ये काही तास लटकलेला होता. तर मिनी टँकरचा चालक रक्ताच्या थारोळ्यात रस्त्यावर खाली पडलेला होता. दोघांचाही जागीच मृत्यू झाला होता.
या बाबत सविस्तर वृत्त असे की, नगरहून घराच्या छताचे पत्रे घेऊन सोलापूरच्या दिशेने जाणाऱ्या कंटेनरची समोरून माहिजळगावकडे पाणी भरून येणाऱ्या मिनी टँकरला समोरासमोर धडक बसली. या अपघातात कंटेनरचालक मेघा यादव व युवराज डाडर हे दोघे जागीच मरण पावले. तर मिनी टँकरमधील अमोल डाडर (वय २६),जनार्दन डाडर (वय १८ दोघेही रा. पाटेगाव, ता. कर्जत) व दादा दळवी (वय २५, रा. शेवगाव, ता. शेवगाव) हे तिघे जखमी झाले आहेत. सर्व जखमींवर प्रथम माहिजळगाव येथील डॉ. राजेश तोरडमल यांच्या शुभम हॉस्पिटलमध्ये प्रथमोपचार करून पुढील उपचारासाठी नगर येथे हलविण्यात आले. या जखमी तिघांपैकी एकाची प्रकृती चिंताजनक असल्याचे समजते.
पोलिस निरीक्षक वंसत भोये यांनी घटनास्थळी जाऊन पाहणी केली. अपघातग्रस्तांच्या नातेवाईकांना माहिती देण्यात आली. काही तासाने वाहतूक सुरळीत झाली.
नगर-सोलापूर रस्त्यावर कर्जत तालुक्यातील माहिजळगाव चौफुला येथे पाणी वाहतूक करणारा मिनी टँकर आणि कंटेनर यांची टक्कर होऊन झालेल्या भीषण अपघातात मेघा यादव (वय ५२, रा. गांधीधाम, कच्छ, गुजरात) व मिनी टँकरचालक युवराज डाडर (वय २४, रा. पाटेगाव, ता. कर्जत) या दोघांचा जागीच मृत्यू झाला. या अपघातात अन्य तिघे गंभीर जखमी झाले आहेत. हा अपघात बुधवारी (१४ फेब्रुवारी) सकाळी साडेदहाच्या सुमारास घडला. रस्त्याच्या मधोमध दोन्ही वाहने अडकल्याने वाहतुकीची कोंडी झाली होती. यामुळे रस्त्यावर दुतर्फा वाहनांच्या लांबच्या लांब रांगा लागल्या होत्या.
उशिरा क्रेन आणून कंटेनरमध्ये अडकलेला मृतदेह बाहेर काढण्यात आला व वाहने रस्त्याच्या कडेला घेण्यात आली. हा अपघात एवढा भीषण होता की दोन्ही वाहनांची धडक झाल्यानंतर मोठा आवाज झाला. कसला आवाज झाला हे पाहण्यासाठी परिसरातील व्यापारी व नागरिक बाहेर आले व अपघात पाहून अपघातस्थळी मदतीसाठी त्यांनी धाव घेतली. कंटेनरचा चालक स्टेअरिंगमध्ये गुंतला होता त्याचे पाय कामरेखाली निकामी झाले होते. त्याचे आर्धे शरीर समोरून गाडीच्या बाहेर काच फोडून आले होते. तो मृतदेह अशा अवस्थेमध्ये काही तास लटकलेला होता. तर मिनी टँकरचा चालक रक्ताच्या थारोळ्यात रस्त्यावर खाली पडलेला होता. दोघांचाही जागीच मृत्यू झाला होता.
या बाबत सविस्तर वृत्त असे की, नगरहून घराच्या छताचे पत्रे घेऊन सोलापूरच्या दिशेने जाणाऱ्या कंटेनरची समोरून माहिजळगावकडे पाणी भरून येणाऱ्या मिनी टँकरला समोरासमोर धडक बसली. या अपघातात कंटेनरचालक मेघा यादव व युवराज डाडर हे दोघे जागीच मरण पावले. तर मिनी टँकरमधील अमोल डाडर (वय २६),जनार्दन डाडर (वय १८ दोघेही रा. पाटेगाव, ता. कर्जत) व दादा दळवी (वय २५, रा. शेवगाव, ता. शेवगाव) हे तिघे जखमी झाले आहेत. सर्व जखमींवर प्रथम माहिजळगाव येथील डॉ. राजेश तोरडमल यांच्या शुभम हॉस्पिटलमध्ये प्रथमोपचार करून पुढील उपचारासाठी नगर येथे हलविण्यात आले. या जखमी तिघांपैकी एकाची प्रकृती चिंताजनक असल्याचे समजते.
पोलिस निरीक्षक वंसत भोये यांनी घटनास्थळी जाऊन पाहणी केली. अपघातग्रस्तांच्या नातेवाईकांना माहिती देण्यात आली. काही तासाने वाहतूक सुरळीत झाली.