अ‍ॅपशहर

सीसीटीव्हीचे काम रखडले

राज्यातील संवेदनशील बसस्थानकांवर सीसीटीव्ही कॅमेरे बसवण्याचा निर्णय महामंडळाने घेतला आहे. जिल्ह्यातील बसस्थानकांसह अकरा डेपोंमध्ये कॅमेरे बसवले जाणार असले तरी या निर्णयाची अंमलबजावणी रखडली आहे.

Maharashtra Times 19 Sep 2017, 3:00 am
म. टा. प्रतिनिधी, नगर
महाराष्ट्र टाइम्स.कॉम cctv work stopped
सीसीटीव्हीचे काम रखडले

राज्यातील संवेदनशील बसस्थानकांवर सीसीटीव्ही कॅमेरे बसवण्याचा निर्णय महामंडळाने घेतला आहे. जिल्ह्यातील बसस्थानकांसह अकरा डेपोंमध्ये कॅमेरे बसवले जाणार असले तरी या निर्णयाची अंमलबजावणी रखडली आहे. बसस्थानके आणि आगारात कॅमेरे बसवलेले नाही. याबाबतची प्रक्रिया महामंडळाकडून होणार असल्याने यास किती वेळ लागेल याची माहिती मात्र स्थानिक अधिकाऱ्यांना नाही.
नगर शहरातील माळीवाडा, स्वस्तिक आणि तारकपूर बसस्थानकांसह जिल्ह्यातील काही महत्वाची बसस्थानके आणि सर्व अकरा डेपोत कॅमेरे बसवण्यास महामंडळाने मंजुरी दिली आहे. कार्यवाही सुरू झाली आहे. महामंडळाच्या वरिष्ठ कार्यालयातील अधिकाऱ्यांनी जिल्ह्यातील बसस्थानकांची पाहणी केली आहे. त्यानंतर मात्र कार्यवाही झालेली नाही. सीसीटीव्हीचे अधिकार स्थानिक अधिकाऱ्यांना नाहीत. महामंडळाकडूनच सर्व कार्यवाही होणार आहे. त्यामुळे बसस्थानके व आगारात कॅमेरे बसवले जाणार असले तरी किती बसस्थानकांत कॅमेरे बसवले जाणार आहे, याची माहिती येथील अधिकाऱ्यांना नसल्याचे दिसून आले. दरम्यान, शहरातील बसस्थानके असुरक्षित झाली आहेत. बसस्थानकात सुरक्षारक्षकांची नियुक्ती केली असली तरी खासगी वाहने बसस्थानकात येतच आहेत. किरकोळ वादावादी, अपघात नित्याचेच झाले आहेत. खासगी रिक्षाचालकही बसस्थानकाच्या आवारात रिक्षा लावत असल्याने एसटी आत घेण्यास चालकांना अडचणी येत आहेत.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज