म. टा. प्रतिनिधी, नगर
महापालिकेतील सत्ताधारी शिवसेना व तिला साथ देणाऱ्यांच्या गटातील धुसफूस कायम आहे. स्थायी समिती सभापती तसेच महिला व बालकल्याण समितीच्या सभापती व उपसभापती निवडी अपेक्षेप्रमाणे झाल्या असल्या तरी या निवडीनिमित्ताने दिल्या-घेतल्या गेलेल्या राजकीय शब्दांबाबत उलटसुलट चर्चा सुरू असल्याने नव्या निवडीच्या आजच्या जल्लोषातही अंतर्गत धुसफुसीचे वातावरण होते. दरम्यान, नव्या पदाधिकाऱ्यांच्या समर्थकांनी मंगळवारी महापालिकेत ढोल-ताशांच्या गजरात गुलालाची मुक्त उधळण केली.
स्थायी समितीच्या सभापतीपदासह महिला व बालकल्याण समितीच्या सभापती व उपसभापतिपदाची निवडणूक जिल्हाधिकारी अभय महाजन यांच्या अध्यक्षतेखालील मंगळवारी सभेत करण्यात आली. अर्थात या तिन्ही पदांसाठी प्रत्येकी एकच अर्ज आले असल्याने सोमवारीच या निवडी बिनविरोध झाल्या होत्या. त्यामुळे आजची निवडणूक प्रक्रिया औपचारिक राहिली होती. या प्रक्रियेने या निवडींवर मंगळवारी अधिकृत शिक्कामोर्तब केले. त्यानंतर स्थायी समिती सभापतिपदाचा पदभार सुवर्णा जाधव यांनी तर महिला व बालकल्याण समितीच्या सभापतिपदाचा पदभार सारिका भूतकर व उपसभापतिपदाचा पदभार सुनीता मुदगल यांनी घेतला. माजी आमदार अनिल राठोड, महापौर सुरेखा कदम, विरोधी पक्षनेते बाळासाहेब बोराटे, माजी महापौर भगवान फुलसौंदर, सेनेचे शहर प्रमुख दिलीप सातपुते, माजी शहर प्रमुख संभाजी कदम, सभागृह नेते अनिल शिंदे, भाजपचे गटनेते दत्ता कावरे आदी या वेळी उपस्थित होते.
अस्वस्थता कायम
या तीनही पदांपैकी स्थायीच्या सभापतिपदासाठी भाजपचे बाबासाहेब वाकळे तर महिला व बालकल्याण समिती सभापतिपदासाठी सेनेच्या सुनीता मुदगल व छाया तिवारी तसेच उपसभापतिपदासाठी मनसेच्या वीणा बोज्जा यांनीही दावे केले होते. यापैकी केवळ मुदगल यांना उपसभापतिपदाची संधी दिली गेली व अन्य इच्छुकांना नऊ महिन्यांनी संधी देण्याचे शब्द दिले गेले. मात्र, सेनेच्या स्थानिक वरिष्ठ नेत्यांच्या सोमवारच्या पत्रकार परिषदेत या वाटणीला दुजोरा दिला गेला नसल्याने सेनेकडून शब्द पाळले जाणार की नाही, या विचाराने इच्छुक व त्यांच्या समर्थकांमध्ये मंगळवारी अस्वस्थता होती. यामुळे काही इच्छुक जल्लोषापासून दूर राहिले तर काहीजण नाईलाजाने पण अंतर राखून सहभागी झाले. त्याची चर्चा महापालिकेत जोरात आहे.
‘नऊ महिन्यांनी स्थायी समितीचे सभापतिपद वाकळे यांना देण्याचा शब्द सेनेने दिला आहे. त्यामुळे त्यानुसार हे पद आम्ही घेणारच आहोत’, असा दावा भाजपचे गटनेते दत्ता कावरे यांनी मंगळवारी केला. ‘दिलेले शब्द पाळले नाहीत तर काय करायचे, ते त्या वेळी आम्ही दाखवू’, असेही त्यांनी सांगितले. मनसेचे श्रीनिवास बोज्जा यांनीही, ‘शब्द पाळले जातील, त्याची आशा आपण करायची’, अशी काहीशी उद्विग्न प्रतिक्रिया व्यक्त केली.
चौकट ः
फोटोंची उत्सुकता
स्थायी समितीचे मावळते सभापती सचिन जाधव हे शिवसेनेचे असल्याने त्यांच्या दालनात शिवसेनाप्रमुख बाळासाहेब ठाकरे यांच्यासह सेना नेत्यांचे फोटो होते. सोमवारी नव्या सभापतींची निवड स्पष्ट झाल्यावर दालनातील हे सारे फोटो हटवले गेले. त्यामुळे आता नव्याने कोणत्या नेत्यांचे फोटो येथे झळकतात, याची उत्सुकता व्यक्त होत आहे.
महापालिकेतील सत्ताधारी शिवसेना व तिला साथ देणाऱ्यांच्या गटातील धुसफूस कायम आहे. स्थायी समिती सभापती तसेच महिला व बालकल्याण समितीच्या सभापती व उपसभापती निवडी अपेक्षेप्रमाणे झाल्या असल्या तरी या निवडीनिमित्ताने दिल्या-घेतल्या गेलेल्या राजकीय शब्दांबाबत उलटसुलट चर्चा सुरू असल्याने नव्या निवडीच्या आजच्या जल्लोषातही अंतर्गत धुसफुसीचे वातावरण होते. दरम्यान, नव्या पदाधिकाऱ्यांच्या समर्थकांनी मंगळवारी महापालिकेत ढोल-ताशांच्या गजरात गुलालाची मुक्त उधळण केली.
स्थायी समितीच्या सभापतीपदासह महिला व बालकल्याण समितीच्या सभापती व उपसभापतिपदाची निवडणूक जिल्हाधिकारी अभय महाजन यांच्या अध्यक्षतेखालील मंगळवारी सभेत करण्यात आली. अर्थात या तिन्ही पदांसाठी प्रत्येकी एकच अर्ज आले असल्याने सोमवारीच या निवडी बिनविरोध झाल्या होत्या. त्यामुळे आजची निवडणूक प्रक्रिया औपचारिक राहिली होती. या प्रक्रियेने या निवडींवर मंगळवारी अधिकृत शिक्कामोर्तब केले. त्यानंतर स्थायी समिती सभापतिपदाचा पदभार सुवर्णा जाधव यांनी तर महिला व बालकल्याण समितीच्या सभापतिपदाचा पदभार सारिका भूतकर व उपसभापतिपदाचा पदभार सुनीता मुदगल यांनी घेतला. माजी आमदार अनिल राठोड, महापौर सुरेखा कदम, विरोधी पक्षनेते बाळासाहेब बोराटे, माजी महापौर भगवान फुलसौंदर, सेनेचे शहर प्रमुख दिलीप सातपुते, माजी शहर प्रमुख संभाजी कदम, सभागृह नेते अनिल शिंदे, भाजपचे गटनेते दत्ता कावरे आदी या वेळी उपस्थित होते.
अस्वस्थता कायम
या तीनही पदांपैकी स्थायीच्या सभापतिपदासाठी भाजपचे बाबासाहेब वाकळे तर महिला व बालकल्याण समिती सभापतिपदासाठी सेनेच्या सुनीता मुदगल व छाया तिवारी तसेच उपसभापतिपदासाठी मनसेच्या वीणा बोज्जा यांनीही दावे केले होते. यापैकी केवळ मुदगल यांना उपसभापतिपदाची संधी दिली गेली व अन्य इच्छुकांना नऊ महिन्यांनी संधी देण्याचे शब्द दिले गेले. मात्र, सेनेच्या स्थानिक वरिष्ठ नेत्यांच्या सोमवारच्या पत्रकार परिषदेत या वाटणीला दुजोरा दिला गेला नसल्याने सेनेकडून शब्द पाळले जाणार की नाही, या विचाराने इच्छुक व त्यांच्या समर्थकांमध्ये मंगळवारी अस्वस्थता होती. यामुळे काही इच्छुक जल्लोषापासून दूर राहिले तर काहीजण नाईलाजाने पण अंतर राखून सहभागी झाले. त्याची चर्चा महापालिकेत जोरात आहे.
‘नऊ महिन्यांनी स्थायी समितीचे सभापतिपद वाकळे यांना देण्याचा शब्द सेनेने दिला आहे. त्यामुळे त्यानुसार हे पद आम्ही घेणारच आहोत’, असा दावा भाजपचे गटनेते दत्ता कावरे यांनी मंगळवारी केला. ‘दिलेले शब्द पाळले नाहीत तर काय करायचे, ते त्या वेळी आम्ही दाखवू’, असेही त्यांनी सांगितले. मनसेचे श्रीनिवास बोज्जा यांनीही, ‘शब्द पाळले जातील, त्याची आशा आपण करायची’, अशी काहीशी उद्विग्न प्रतिक्रिया व्यक्त केली.
चौकट ः
फोटोंची उत्सुकता
स्थायी समितीचे मावळते सभापती सचिन जाधव हे शिवसेनेचे असल्याने त्यांच्या दालनात शिवसेनाप्रमुख बाळासाहेब ठाकरे यांच्यासह सेना नेत्यांचे फोटो होते. सोमवारी नव्या सभापतींची निवड स्पष्ट झाल्यावर दालनातील हे सारे फोटो हटवले गेले. त्यामुळे आता नव्याने कोणत्या नेत्यांचे फोटो येथे झळकतात, याची उत्सुकता व्यक्त होत आहे.