म. टा. प्रतिनिधी, नगर
शनिशिंगणापूर येथील चौथरा पुन्हा एकदा सर्वांसाठी खुला करण्यात आला आहे. मात्र, त्यासाठी आता इतर काही देवस्थानच्या सशुल्क पासप्रमाणे पाचशे रुपये देणगी मूल्य आकारले जाणार आहे. शनैश्वर देवस्थान ट्रस्टच्या विश्वस्त मंडळाच्या बैठकीत हा निर्णय घेण्यात आला. आज, शनिवारपासून (१८ जून) या निर्णयाची अंमलबजावणी होणार आहे.
प्रथेचा भाग म्हणून पूर्वी या चौथऱ्यावर महिलांना प्रवेश बंदी होती. या विरोधात काही वर्षांपूर्वी भूमाता ब्रिगेडच्या तृप्ती देसाई यांनी आंदोलन केले होते. त्यानंतर हा चौथरा महिलांसाठी खुला करण्यात आला. मात्र, काही काळातच सुरक्षेच्या कारणास्तव सर्वांनाच चौथऱ्यावर प्रवेश बंद करण्यात आला. त्यानंतर करोनाकाळात मंदिर बंद होते. ते सुरू झाल्यानंतर चौथरा खुला करण्याची मागणी होत होती. त्यामुळे देवस्थानने तो खुला करण्याचा निर्णय घेतला आहे. पाचशे रुपयांची देणगी पावती घेणाऱ्या सर्व महिला किंवा पुरुषांना चौथऱ्यावर जाऊन अभिषेक करता येईल, अशी माहिती देवस्थानचे अध्यक्ष अध्यक्ष भागवत बानकर यांनी दिली.
कोट
चौथऱ्यावर प्रवेश देण्यासाठी अशी देणगीची सक्ती करता येणार नाही. देवस्थानचा हा निर्णय गरीब भाविकांना चौथऱ्यावर जाऊन दर्शन घेण्यापासून वंचित ठेवणारा आहे. देवस्थानने निर्णय मागे घेऊन चौथरा सर्वांसाठी विनामूल्य खुला करावा; अन्यथा आम्हाला यामध्ये पुन्हा लक्ष घालावे लागेल.
- तृप्ती देसाई, भूमाता ब्रिगेड
शनिशिंगणापूर येथील चौथरा पुन्हा एकदा सर्वांसाठी खुला करण्यात आला आहे. मात्र, त्यासाठी आता इतर काही देवस्थानच्या सशुल्क पासप्रमाणे पाचशे रुपये देणगी मूल्य आकारले जाणार आहे. शनैश्वर देवस्थान ट्रस्टच्या विश्वस्त मंडळाच्या बैठकीत हा निर्णय घेण्यात आला. आज, शनिवारपासून (१८ जून) या निर्णयाची अंमलबजावणी होणार आहे.
प्रथेचा भाग म्हणून पूर्वी या चौथऱ्यावर महिलांना प्रवेश बंदी होती. या विरोधात काही वर्षांपूर्वी भूमाता ब्रिगेडच्या तृप्ती देसाई यांनी आंदोलन केले होते. त्यानंतर हा चौथरा महिलांसाठी खुला करण्यात आला. मात्र, काही काळातच सुरक्षेच्या कारणास्तव सर्वांनाच चौथऱ्यावर प्रवेश बंद करण्यात आला. त्यानंतर करोनाकाळात मंदिर बंद होते. ते सुरू झाल्यानंतर चौथरा खुला करण्याची मागणी होत होती. त्यामुळे देवस्थानने तो खुला करण्याचा निर्णय घेतला आहे. पाचशे रुपयांची देणगी पावती घेणाऱ्या सर्व महिला किंवा पुरुषांना चौथऱ्यावर जाऊन अभिषेक करता येईल, अशी माहिती देवस्थानचे अध्यक्ष अध्यक्ष भागवत बानकर यांनी दिली.
कोट
चौथऱ्यावर प्रवेश देण्यासाठी अशी देणगीची सक्ती करता येणार नाही. देवस्थानचा हा निर्णय गरीब भाविकांना चौथऱ्यावर जाऊन दर्शन घेण्यापासून वंचित ठेवणारा आहे. देवस्थानने निर्णय मागे घेऊन चौथरा सर्वांसाठी विनामूल्य खुला करावा; अन्यथा आम्हाला यामध्ये पुन्हा लक्ष घालावे लागेल.
- तृप्ती देसाई, भूमाता ब्रिगेड