म. टा. प्रतिनिधी, नगर
नगर महानगरपालिकेच्या महापौर, उपमहापौर निवडीसाठी येत्या शुक्रवारी मतदान होणार असून वादग्रस्त ठरलेला श्रीपाद छिंदम याला या निवडीसाठी महापालिकेत हजर राहायचे आहे. त्या दिवशी पालिकेत येण्यासाठी पोलिस संरक्षण मिळण्याची मागणी छिंदम याने पोलिस अधीक्षकांकडे केली आहे. त्याच्या पोलिस संरक्षणाच्या अर्जाबाबत अद्याप निर्णय घेण्यात आलेला नाही.
छत्रपती शिवाजी महाराज यांच्याबद्दल अपशब्द वापरणाऱ्या माजी उपमहापौर श्रीपाद छिंदम हा प्रभाग नऊमधून अपक्ष म्हणून निवडून येऊन नगरसेवक झाला आहे. महापालिकेची निवडणूक झाल्यानंतर महापौर, उपमहापौर निवडीचा कार्यक्रम जाहीर झाला. येत्या २८ डिसेंबरला ही निवड होणार आहे. त्यासाठी राजकीय पक्षांमध्ये रस्सीखेच सुरू आहे. श्रीपाद छिंदम याला वगळून राजकीय पक्षांनी राजकीय गणिते मांडली आहेत. परंतु, आता छिंदम याला महापौर निवडीसाठी सभागृहात उपस्थित रहायचे आहे. जनतेने निवडून दिलेले आहे. त्यामुळे सभागृहात उपस्थित राहण्यासाठी सशुल्क पोलिस संरक्षण द्यावे, असे पत्र छिंदम याने पोलिस अधीक्षकांना दिले आहे. निवडीच्या दिवशी संपूर्ण दिवसभर बंदुकधारी पोलिस देण्याची मागणी छिंदम याची आहे. छिंदम याने सोमवारी हा अर्ज दिला असून, या अर्जावर पोलिस अधीक्षकांनी अद्याप निर्णय घेतलेला आहे. उपमहापौरपदाचा राजीनामा दिल्यानंतर छिंदम ऑगस्ट महिन्यात सर्वसाधारण सभेसाठी महापालिकेत आला होता. त्या वेळी त्याला पोलिस संरक्षण देण्यात आले होते. छिंदमविरोधात काही नगरसेवकांनी घोषणाबाजी केली होती. सभागृहात गोंधळ झाला होता. राजकीय आरोप व प्रत्यारोप झाले होते.
नगर महानगरपालिकेच्या महापौर, उपमहापौर निवडीसाठी येत्या शुक्रवारी मतदान होणार असून वादग्रस्त ठरलेला श्रीपाद छिंदम याला या निवडीसाठी महापालिकेत हजर राहायचे आहे. त्या दिवशी पालिकेत येण्यासाठी पोलिस संरक्षण मिळण्याची मागणी छिंदम याने पोलिस अधीक्षकांकडे केली आहे. त्याच्या पोलिस संरक्षणाच्या अर्जाबाबत अद्याप निर्णय घेण्यात आलेला नाही.
छत्रपती शिवाजी महाराज यांच्याबद्दल अपशब्द वापरणाऱ्या माजी उपमहापौर श्रीपाद छिंदम हा प्रभाग नऊमधून अपक्ष म्हणून निवडून येऊन नगरसेवक झाला आहे. महापालिकेची निवडणूक झाल्यानंतर महापौर, उपमहापौर निवडीचा कार्यक्रम जाहीर झाला. येत्या २८ डिसेंबरला ही निवड होणार आहे. त्यासाठी राजकीय पक्षांमध्ये रस्सीखेच सुरू आहे. श्रीपाद छिंदम याला वगळून राजकीय पक्षांनी राजकीय गणिते मांडली आहेत. परंतु, आता छिंदम याला महापौर निवडीसाठी सभागृहात उपस्थित रहायचे आहे. जनतेने निवडून दिलेले आहे. त्यामुळे सभागृहात उपस्थित राहण्यासाठी सशुल्क पोलिस संरक्षण द्यावे, असे पत्र छिंदम याने पोलिस अधीक्षकांना दिले आहे. निवडीच्या दिवशी संपूर्ण दिवसभर बंदुकधारी पोलिस देण्याची मागणी छिंदम याची आहे. छिंदम याने सोमवारी हा अर्ज दिला असून, या अर्जावर पोलिस अधीक्षकांनी अद्याप निर्णय घेतलेला आहे. उपमहापौरपदाचा राजीनामा दिल्यानंतर छिंदम ऑगस्ट महिन्यात सर्वसाधारण सभेसाठी महापालिकेत आला होता. त्या वेळी त्याला पोलिस संरक्षण देण्यात आले होते. छिंदमविरोधात काही नगरसेवकांनी घोषणाबाजी केली होती. सभागृहात गोंधळ झाला होता. राजकीय आरोप व प्रत्यारोप झाले होते.