काँग्रेसचा आज नगरमध्ये मोर्चा

म. टा. प्रतिनिधी, नगर

राफेल लढाऊ विमानांच्या खरेदीत झालेला कथित गैरव्यवहार आणि पेट्रोल-डिझेल दरवाढीच्या निषेधार्थ अहमदनगर जिल्हा काँग्रेसच्या वतीने मंगळवारी (२५ सप्टेंबर) नगरमध्ये मोर्चा काढण्यात येणार आहे, अशी माहिती पक्षाचे जिल्हाध्यक्ष अण्णासाहेब शेलार यांनी दिली.

सकाळी ११ वाजता शिवाजी चौक, बसस्थानक येथून हा मोर्चा निघणार आहे. यामध्ये विधानसभेतील विरोधी पक्षनेते राधाकृष्ण विखे पाटील, माजी मंत्री बाळासाहेब थोरात, आमदार डॉ. सुधीर तांबे, आमदार भाऊसाहेब कांबळे, जिल्हा परिषदेच्या अध्यक्षा शालिनीताई विखे पाटील, महाराष्ट्र प्रदेश युवक काँग्रेसचे अध्यक्ष सत्यजीत तांबे आदी सहभागी होणार आहेत. सकाळी साडेनऊ वाजता बसस्थानकापासून मोर्चाला सुरवात होणार आहे. जिल्हाधिकारी कार्यालयावर जिल्हाधिकाऱ्यांना निवेदन देऊन सांगता होणार आहे. कथित राफेल विमान खरेदी गैरव्यवहार, पेट्रोल-डिझेल आणि गॅसची भाववाढ आणि महागाई यासंबंधी सरकारला जाब विचारण्यासाठी हा मोर्चा असल्याचे सांगण्यात आले.