नगरः शहरातील सर्जेपुरा भागातील एसटी वर्कशॉपसमोरील पेट्रोलपंपावर राष्ट्रध्वज उलटा फडकावून राष्ट्रध्वजाचा अवमान केल्याचा प्रकार घडला आहे. याप्रकरणी तोफखाना पोलिस स्टेशनला एकाविरुद्ध गुन्हा नोंदविण्यात आला आहे. गोविंदपुरा येथील आसिफ निजाम शेख यांच्या फिर्यादीवरून पेट्रोलपंपावरील कर्मचारी राम ठाकूर (पूर्ण नाव नाही) याच्याविरुद्ध राष्ट्रगौरव अपमान प्रतिबंध अधिनियमानुसार गुन्हा नोंदविण्यात आला आहे. एसटी वर्कशॉपच्या समोर फ्रेंड सर्व्हिस स्टेशन नावाचा इंडिया ऑइलचा पेट्रोल पंप आहे. प्रजासत्ताक दिनानिमित्त पेट्रोलपंपावर ध्वजवंदन करण्यात आले होते. त्यावेळी त्या ठिकाणी आलेले आसिफ शेख यांनी तिरंगा उलटा फडकविल्याचे लक्षात आले. ही माहिती तोफखाना पोलिस स्टेशनला दिल्यानंतर निरीक्षक हारुण मुलानी यांनी घटनास्थळी भेट दिली. त्यानंतर तोफखाना पोलिस स्टेशनला रविवारी रात्री पेट्रोलपंपच्या कर्मचाऱ्याविरुद्ध फिर्याद नोंदविण्यात आली.
राष्ट्रध्वजाचा अवमान; एकाविरुद्ध गुन्हा
नगरः शहरातील सर्जेपुरा भागातील एसटी वर्कशॉपसमोरील पेट्रोलपंपावर राष्ट्रध्वज उलटा फडकावून राष्ट्रध्वजाचा अवमान केल्याचा प्रकार घडला आहे...
महाराष्ट्र टाइम्स.कॉम 28 Jan 2020, 4:00 am