शिर्डी साई मंदिर बंदच राहील, साई संस्थानचा खुलासा

म. टा. वृत्तसेवा, शिर्डीः शिर्डीचे साई मंदिर एक जून पासून भाविकांना दर्शनास खुले होईल, असं मीडिया रिपोर्टमधून सांगण्यात येत होतं. मात्र 'साई समाधी मंदिर दर्शनाकरीता उघडण्‍याचा कोणताही निर्णय घेण्‍यात आलेला नाही', असा खुलासा साई संस्थानतर्फे करण्यात आला आहे. उपमुख्यकार्यकारी अधिकारी रवींद्र ठाकरे यांनी प्रसिद्धीस दिलेल्या एका व्हिडीओद्वारे ही माहिती देण्यात आली.

महाराष्ट्र शासनाकडून आदेश प्राप्‍त झाल्‍यानंतर जिल्‍हा प्रशासनाच्‍या मान्‍यतेअंती साईबाबा समाधी मंदिर उघडणे बाबत निर्णय घेतला जाईल, असं ठाकरे स्पष्ट केलं आहे. यामुळे येत्या एक जूनपासून साई मंदिर दर्शनास खुले होईल या अफवांना पूर्णविराम मिळाला आहे. करोनाला रोखण्यासाठी देशातील धर्मीक स्थळे केंद्र सरकारने बंद ठेवण्यात आली आहेत.

शिर्डीजवळ पाच करोना बाधीत सापडले

करोनामुळे पायी आषाढवारी रद्द; हेलिकॉप्टरने पादुका पंढरीत नेणार