अहमदनगर: करोना नाही, पण स्वाइन फ्लूची लागण

अहमदनगर: राज्यात करोनानं थैमान घातलं आहे. देशभरात इतर राज्यांच्या तुलनेत महाराष्ट्रात करोनाग्रस्त रुग्णांची संख्या सर्वाधिक आहे. त्या पार्श्वभूमीवर विशेष खबरदारी घेतली जात आहे. अहमदनगरमध्ये करोनाग्रस्त रुग्ण आढळल्यानंतर परिस्थितीचा आढावा घेतला जात आहे. पुण्यात १७ संशयितांचे नमुने पुण्याला पाठवण्यात आले होते. त्यातील आठ जणांचे अहवाल प्राप्त झाले असून, ते निगेटिव्ह आले आहेत, पण त्यातील एकाचा अहवाल हा स्वाइन फ्लू पॉझिटिव्ह आल्याचं स्पष्ट झालं आहे. यासंबंधी जिल्हाधिकारी राहुल द्विवेदी यांनी माहिती दिली.

करोनाचा 'परिणाम'; घटस्फोटांच्या अर्जात वाढ

करोना! कोल्हापूर पोलिसांचा मार्मिक सवाल

अहमदनगरमध्ये करोनाचा रुग्ण सापडल्यानंतर प्रशासकीय पातळीवर आवश्यक खबरदारी आणि उपाययोजना करण्यात येत आहे. करोनाची लक्षणे आढळून आलेल्या १७ जणांचे नमुने हे पुण्यातील संस्थेकडे पाठवण्यात आले होते. त्यांपैकी आठ जणांचा चाचणी अहवाल प्राप्त झाल्याचं जिल्हाधिकारी द्विवेदी यांनी सांगितलं. आठ जणांचा चाचणी अहवाल निगेटिव्ह आला आहे. मात्र, एकाचा चाचणी अहवाल स्वाइन फ्लू पॉझिटिव्ह आला आहे, अशी माहिती त्यांनी दिली. उर्वरित नऊ जणांचे अहवाल आज संध्याकाळपर्यंत प्राप्त होतील, असंही त्यांनी सांगितलं.

पाहाः करोनाचे सावट; तरीही मुंबईकर बिनधास्त
करोनाः नागपुरातील गार्डन, मॉलमध्ये शुकशुकाट
दुबई, सौदी अरेबिया आणि अमेरिकेतून येणाऱ्या प्रवाशांवर आमचे विशेष लक्ष असणार आहे. महापालिका, नगरपालिका आणि नगरपंचायत क्षेत्रातील खासगी क्लास बंद न केल्यास चालकांवर गुन्हा दाखल करण्यात येईल, असा इशाराही त्यांनी दिला. महापालिका व जिल्हा परिषदेनं त्यांच्या बजेटच्या सभा नंतर घ्याव्यात, अशी त्यांना जिल्हा प्रशासनाने विनंती केली आहे. होम क्वारंटाईन ज्यांना करण्यात येईल त्यांच्या हातावर शिक्का (विशिष्ट खूण) मारण्यात येईल, असं सांगतानाच, एटीएम केंद्रांमध्ये सॅनिटायझर ठेवण्याच्या सूचना बँकांना दिल्या जाणार आहेत, असं ते म्हणाले.