म. टा. प्रतिनिधी, नगर
वॉर्डातील मंजूर असलेली पाणीपुरवठा व रस्त्यांची कामे प्रशासनाकडून सुरू केली जात नसल्याच्या निषेधार्थ शिवसेनेच्या नगरसेविका शारदा ढवण यांनी आंदोलनाचा इशारा दिला आहे. दरम्यान, आयुक्त दिलीप गावडे यांना सोमवारी यासंदर्भात निवेदन दिल्यावर संबंधित कामे मंगळवारपासून (१७ जानेवारी) सुरू करण्याची ग्वाही त्यांनी दिली. मात्र, ही कामे सुरू झाली नाही तर सावेडीच्या पाइपलाइन रोडवरील भिस्तबाग चौकात बैठा सत्याग्रह करण्याचा इशारा ढवण यांनी दिला आहे.
फेज-२ या नव्या पाणी योजनेतील नागरी वसाहतीअंतर्गत पाइपलाइन टाकण्याचे काम सध्या शहरात विविध ठिकाणी सुरू आहे. सावेडीच्या वॉर्ड क्रमांक१मध्येही अशी पाच कामे मंजूर आहेत. इंद्रप्रस्थ कॉलनी, अहिल्यानगरी, लेखानगर, संचारनगर, राधामोहन नगर, गोकुळधाम अपार्टमेंट, जयमल्हार पार्क, तपोवन रोड, ढवण वस्ती, शिवनगर आदी भागांत ही कामे होणार आहेत. यासाठीचे मार्किंग संबंधित ठेकेदार तापी प्रिस्टेस कंपनीच्या प्रतिनिधींनी केले आहे. प्रकल्प मॉनिटरिंग कमिटीच्या सदस्यांनीही त्यास मंजुरी दिली आहे. त्यामुळे ही कामे सुरू होणे अपेक्षित असताना ती अद्याप सुरू झाली नसल्याचे ढवण यांचे म्हणणे आहे. याशिवाय मूलभूत विकास निधीतील मागेच मंजूर झालेल्या रस्त्यांची कामेही अद्याप सुरू झाली नसल्याचा त्यांचा दावा आहे. आरोह निसर्ग, चिन्मय कॉलनी, अष्टविनायक कॉलनी, पवननगर, नंदनवन नगर, साईराम नगर आदी ठिकाणची ही कामे सुरू झाली नसल्याने नागरिकांना अडचणींना सामोरे जावे लागत असल्याचे त्यांचे म्हणणे आहे.
नगरसेविका ढवण यांच्यासह शिवसेनेचे उपजिल्हा प्रमुख दिगंबर ढवण, वॉर्ड ३च्या नगरसेविका प्रतिभा भांगरे यांनी आयुक्तांची भेट घेऊन त्यांना निवेदन दिले. सेनेचे सभागृह नेते अनिल शिंदे, नगरसेवक दीप चव्हाण तसेच सुरेश तिवारी यांनीही या कामांची गरज स्पष्ट केली. संबंधित कामे ठेकेदाराने का बंद ठेवली तसेच निवडणूक आचारसंहितेची यास काही अडचण आहे काय, याचाही खुलासा यावेळी विचारण्यात आला. मात्र, पाणी योजनेची कामे उद्यापासून सुरू करण्याची, तसेच रस्त्यांच्या कामाबाबत उद्या संबंधितांची बैठक घेऊन ही कामे सुरू करण्यास चालना देण्याचे आश्वासन आयुक्त गावडे यांनी दिले.
वॉर्डातील मंजूर असलेली पाणीपुरवठा व रस्त्यांची कामे प्रशासनाकडून सुरू केली जात नसल्याच्या निषेधार्थ शिवसेनेच्या नगरसेविका शारदा ढवण यांनी आंदोलनाचा इशारा दिला आहे. दरम्यान, आयुक्त दिलीप गावडे यांना सोमवारी यासंदर्भात निवेदन दिल्यावर संबंधित कामे मंगळवारपासून (१७ जानेवारी) सुरू करण्याची ग्वाही त्यांनी दिली. मात्र, ही कामे सुरू झाली नाही तर सावेडीच्या पाइपलाइन रोडवरील भिस्तबाग चौकात बैठा सत्याग्रह करण्याचा इशारा ढवण यांनी दिला आहे.
फेज-२ या नव्या पाणी योजनेतील नागरी वसाहतीअंतर्गत पाइपलाइन टाकण्याचे काम सध्या शहरात विविध ठिकाणी सुरू आहे. सावेडीच्या वॉर्ड क्रमांक१मध्येही अशी पाच कामे मंजूर आहेत. इंद्रप्रस्थ कॉलनी, अहिल्यानगरी, लेखानगर, संचारनगर, राधामोहन नगर, गोकुळधाम अपार्टमेंट, जयमल्हार पार्क, तपोवन रोड, ढवण वस्ती, शिवनगर आदी भागांत ही कामे होणार आहेत. यासाठीचे मार्किंग संबंधित ठेकेदार तापी प्रिस्टेस कंपनीच्या प्रतिनिधींनी केले आहे. प्रकल्प मॉनिटरिंग कमिटीच्या सदस्यांनीही त्यास मंजुरी दिली आहे. त्यामुळे ही कामे सुरू होणे अपेक्षित असताना ती अद्याप सुरू झाली नसल्याचे ढवण यांचे म्हणणे आहे. याशिवाय मूलभूत विकास निधीतील मागेच मंजूर झालेल्या रस्त्यांची कामेही अद्याप सुरू झाली नसल्याचा त्यांचा दावा आहे. आरोह निसर्ग, चिन्मय कॉलनी, अष्टविनायक कॉलनी, पवननगर, नंदनवन नगर, साईराम नगर आदी ठिकाणची ही कामे सुरू झाली नसल्याने नागरिकांना अडचणींना सामोरे जावे लागत असल्याचे त्यांचे म्हणणे आहे.
नगरसेविका ढवण यांच्यासह शिवसेनेचे उपजिल्हा प्रमुख दिगंबर ढवण, वॉर्ड ३च्या नगरसेविका प्रतिभा भांगरे यांनी आयुक्तांची भेट घेऊन त्यांना निवेदन दिले. सेनेचे सभागृह नेते अनिल शिंदे, नगरसेवक दीप चव्हाण तसेच सुरेश तिवारी यांनीही या कामांची गरज स्पष्ट केली. संबंधित कामे ठेकेदाराने का बंद ठेवली तसेच निवडणूक आचारसंहितेची यास काही अडचण आहे काय, याचाही खुलासा यावेळी विचारण्यात आला. मात्र, पाणी योजनेची कामे उद्यापासून सुरू करण्याची, तसेच रस्त्यांच्या कामाबाबत उद्या संबंधितांची बैठक घेऊन ही कामे सुरू करण्यास चालना देण्याचे आश्वासन आयुक्त गावडे यांनी दिले.