म. टा. प्रतिनिधी, नगर
शेतकरी पुत्रांनी जिद्दीने व कष्टाने वैद्यकीय शिक्षण घेतल्यानंतर एकत्र येऊन सुरू केलेला मॅक्सकेअर हॉस्पिटल प्रकल्प नगरच्या आर्थिक विकासात योगदान देईल, असा विश्वास ज्येष्ठ नेते खासदार शरद पवार यांनी व्यक्त केला. शेतीवरील अवलंबीत्व कमी करण्याचा पुनरुच्चारही त्यांनी केला. मोठमोठ्या प्रकल्पांमुळे जमीन कमी होत चालल्याने शेतकरी पुत्रांपैकी काहींनी वैद्यकीय, उद्योग, नोकरी वा अन्य व्यवसायाचा पर्याय शोधण्याची गरजही त्यांनी मांडली.
डॉ. प्रशांत पटारे व डॉ. सतीश सोनवणेंसह सुमारे १३ डॉक्टर्स व अन्य ३० सहयोगी डॉक्टरांनी एकत्र येऊन झोपडी कॅन्टीनमागे मॅक्सकेअर सुपर स्पेशालिटी हॉस्पिटलची निर्मिती केली आहे. पवार यांच्या हस्ते त्याचे उदघाटन रविवारी झाले. या वेळी पालकमंत्री प्रा. राम शिंदे, विरोधी पक्ष नेते राधाकृष्ण विखे, आमदार जयंत पाटील, शिवाजी कर्डिले, अरुण जगताप, संग्राम जगताप, भाऊसाहेब कांबळे, जयदत्त क्षीरसागर, राजेंद्र शिंगणे तसेच दादा कळमकर, चंद्रशेखर घुले, अंकुश काकडे, महापौर सुरेखा कदम, जिल्हा परिषदेच्या उपाध्यक्ष राजश्री घुले, इंडियन मेडिकल असोसिएशनचे राष्ट्रीय अध्यक्ष रवी वानखेडकर आदी उपस्थित होते.
वैद्यकीय व शिक्षण ही दोन्ही क्षेत्रे फक्त वैयक्तिक प्रगतीची संधीच देत नाहीत, तर परिसराच्या आर्थिक विकासातही योगदान देतात. त्यामुळे मॅक्सकेअर हॉस्पिटलच्या माध्यमातून नगरची अर्थव्यवस्था मजबूत होईल, असे सांगून पवार म्हणाले, जमीन कमी होत चालल्याने शेतीवरील अवलंबीत्व कमी करण्याची गरज मी आधीपासूनच मांडत आहे. १९४७मध्ये ८२ टक्के असलेली देशातील जमीन आज ५५ टक्केपर्यंत राहिली आहे. राष्ट्रीय महामार्ग, धरणे, इंडस्ट्री वा अन्य मोठ्या प्रकल्पामुळे जमीन कमी होत आहेत. शहरेही वाढत आहेत. त्यामुळेच शेतकरी कुटुंबांतील मुलांनी शिक्षण घेऊन रोजगाराचे अन्य पर्याय शोधले पाहिजेत, असे ते म्हणाले.
शासकीय रुग्णालये, ग्रामीण रुग्णालये, प्राथमिक आरोग्य केंद्रांच्या मर्यादा स्पष्ट होऊ लागल्या असल्या तरी राजीव गांधी जीवनदायीसारख्या योजनांतून गरीब रुग्णांनाही खासगी रुग्णालयांतून अत्याधुनिक वैद्यकीय उपचार मिळतात, असे विखे म्हणाले. पालकमंत्री प्रा. शिंदे, जयंत पाटील, अरुण जगताप, जयदत्त क्षीरसागर यांची भाषणे झाली. डॉ. सतीश सोनवणे यांनी स्वागत केले. डॉ. प्रशांत पटारे यांनी आभार मानले. प्रसाद बेडेकर यांनी
सूत्रसंचालन केले.
शेतकरी पुत्रांनी जिद्दीने व कष्टाने वैद्यकीय शिक्षण घेतल्यानंतर एकत्र येऊन सुरू केलेला मॅक्सकेअर हॉस्पिटल प्रकल्प नगरच्या आर्थिक विकासात योगदान देईल, असा विश्वास ज्येष्ठ नेते खासदार शरद पवार यांनी व्यक्त केला. शेतीवरील अवलंबीत्व कमी करण्याचा पुनरुच्चारही त्यांनी केला. मोठमोठ्या प्रकल्पांमुळे जमीन कमी होत चालल्याने शेतकरी पुत्रांपैकी काहींनी वैद्यकीय, उद्योग, नोकरी वा अन्य व्यवसायाचा पर्याय शोधण्याची गरजही त्यांनी मांडली.
डॉ. प्रशांत पटारे व डॉ. सतीश सोनवणेंसह सुमारे १३ डॉक्टर्स व अन्य ३० सहयोगी डॉक्टरांनी एकत्र येऊन झोपडी कॅन्टीनमागे मॅक्सकेअर सुपर स्पेशालिटी हॉस्पिटलची निर्मिती केली आहे. पवार यांच्या हस्ते त्याचे उदघाटन रविवारी झाले. या वेळी पालकमंत्री प्रा. राम शिंदे, विरोधी पक्ष नेते राधाकृष्ण विखे, आमदार जयंत पाटील, शिवाजी कर्डिले, अरुण जगताप, संग्राम जगताप, भाऊसाहेब कांबळे, जयदत्त क्षीरसागर, राजेंद्र शिंगणे तसेच दादा कळमकर, चंद्रशेखर घुले, अंकुश काकडे, महापौर सुरेखा कदम, जिल्हा परिषदेच्या उपाध्यक्ष राजश्री घुले, इंडियन मेडिकल असोसिएशनचे राष्ट्रीय अध्यक्ष रवी वानखेडकर आदी उपस्थित होते.
वैद्यकीय व शिक्षण ही दोन्ही क्षेत्रे फक्त वैयक्तिक प्रगतीची संधीच देत नाहीत, तर परिसराच्या आर्थिक विकासातही योगदान देतात. त्यामुळे मॅक्सकेअर हॉस्पिटलच्या माध्यमातून नगरची अर्थव्यवस्था मजबूत होईल, असे सांगून पवार म्हणाले, जमीन कमी होत चालल्याने शेतीवरील अवलंबीत्व कमी करण्याची गरज मी आधीपासूनच मांडत आहे. १९४७मध्ये ८२ टक्के असलेली देशातील जमीन आज ५५ टक्केपर्यंत राहिली आहे. राष्ट्रीय महामार्ग, धरणे, इंडस्ट्री वा अन्य मोठ्या प्रकल्पामुळे जमीन कमी होत आहेत. शहरेही वाढत आहेत. त्यामुळेच शेतकरी कुटुंबांतील मुलांनी शिक्षण घेऊन रोजगाराचे अन्य पर्याय शोधले पाहिजेत, असे ते म्हणाले.
शासकीय रुग्णालये, ग्रामीण रुग्णालये, प्राथमिक आरोग्य केंद्रांच्या मर्यादा स्पष्ट होऊ लागल्या असल्या तरी राजीव गांधी जीवनदायीसारख्या योजनांतून गरीब रुग्णांनाही खासगी रुग्णालयांतून अत्याधुनिक वैद्यकीय उपचार मिळतात, असे विखे म्हणाले. पालकमंत्री प्रा. शिंदे, जयंत पाटील, अरुण जगताप, जयदत्त क्षीरसागर यांची भाषणे झाली. डॉ. सतीश सोनवणे यांनी स्वागत केले. डॉ. प्रशांत पटारे यांनी आभार मानले. प्रसाद बेडेकर यांनी
सूत्रसंचालन केले.