नागरिकत्व विधेयक मागे घेण्याची मागणी
म. टा. प्रतिनिधी, नगर
नागरिकत्व संशोधन विधेयक संमत केल्याच्या निषेधार्थ नगरमध्ये भाकप, माकप, लाल निशाण पक्ष (लेनिनवादी), भारतीय महिला फेडरेशन, पीस फाउंडेशन, संभाजी बिग्रेड, राष्ट्र सेवा दल, ऑल इंडिया स्टुडंट फेडरेशन, एमआयएम व इतर पुरोगामी डाव्या पक्ष व संघटनांच्या वतीने निदर्शने करण्यात आली. या वेळी नागरिकत्व विधेयक मागे घेण्याची मागणी करण्यात आली.
पुरोगामी डाव्या पक्ष व संघटनांच्या वतीने नागरिकत्व संशोधन विधेयक संमत केल्याच्या निषेधार्थ गुरुवारी (१९ डिसेंबर) माळीवाडा बसस्थानकाच्या जवळ असणाऱ्या छत्रपती शिवाजी महाराजांच्या पुतळ्यासमोर आंदोलन करण्यात आले. या वेळी भाकपचे राज्य सहसेक्रेटरी अॅड. सुभाष लांडे म्हणाले, 'नवा नागरिकत्व संशोधन कायदा आणून केंद्रातील भाजप सरकार जाती धर्माच्या आधारावर देशात फूट पाडण्याचा प्रयत्न करीत आहे. हा कायदा जोपर्यंत मागे घेतला जात नाही, तोपर्यंत या देशातील पुरोगामी डावे पक्ष व संघटना सातत्याने रस्त्यावर उतरून आपले आंदोलन सुरूच ठेवणार आहेत.'
आंदोलनामध्ये स्मिता पानसरे, अॅड. बन्सी सातपुते, शांताराम वाळुंज, अॅड. सुधीर टोकेकर, बहिरनाथ वाकळे, संतोष खोडदे, भगवान गायकवाड, बापूराव राशीनकर, रामदास वागस्कर, भारती न्यालपेल्ली, कमर सुरुर, संध्या मेढे, सुजाता वागस्कर, सगुणा श्रीमल, हर्षदा वाघमारे, अनंत लोखंडे, प्रवीण लोखंडे, विठ्ठल बुलबुले, अर्षद शेख, टिळक भोस, आरिफ पटेल, प्रवीण सोनवणे, राहील अहमद, डॉ. परवेज अशरफी सहभागी झाले होते.
......