म. टा. प्रतिनिधी, नगर
डेंगी आजाराची तपासणी करणाऱ्या खाजगी प्रयोगशाळा, वैद्यकिय व्यावसायिक तसेच दवाखाने आता आरोग्य विभागाच्या रडारवर आले आहेत. डेंगीच्या तपासणीत रुग्णास डेंगीचे निदान झाल्यानंतर त्याची माहिती आरोग्य विभागास देणे बंधनकारक करण्यात आले आहे. या महत्वाच्या कामात टाळाटाळ करणारे व्यावसायिक तसेच संस्थांवर दंडात्मक कारवाई करण्याचा निर्णय आरोग्य विभागाने घेतला असून तशा सूचना वैद्यकिय संस्थांनाही दिल्या आहेत.
जिल्ह्यामध्ये सध्या साथरोगांचे रूग्ण आढळत आहेत. या रुग्णांच्या उपचारासाठी सरकारी दवाखान्यांत व्यवस्था केली आहे. सरकारी दवाखान्यांत आजाराची तपासणी करुन उपचार केले जात आहेत. असे असले तरी खासगी दवाखान्यांमध्येही या आजारांचे रुग्ण दाखल होतात. येथील रुग्णांची तपासणी खासगी प्रयोगशाळांमध्येच केली जाते. या तपासणीत डेंगीचा रुग्ण आढळल्यानंतर उपचार केले जातात. या सर्वांची माहिती जवळच्या सरकारी दवाखान्यांना देणे सरकारने बंधनकारक केले आहे. रुग्णांची माहिती नियमित देण्यात हलगर्जीपणा होऊ नये यासाठी खासगी संस्थांवर कारवाई करण्याचा निर्णय आरोग्य विभागाने घेतला आहे. डेंगीच्या रुग्णांची माहिती देण्यात खासगी व्यावसायिक, खासगी दवाखाने, प्रयोगशाळा यांच्याकडून टाळाटाळ झाल्यास त्यांच्यावर दंडात्मक कारवाई केली जाणार आहे.
तपासण्या बंदच्या सूचना
डेंगी आजाराच्या रॅपीड डायग्नोस्टीक किटचा वापर करण्यावर सरकारने बंदी घातली आहे. आदेश काढून तशा सूचनाही देण्यात आल्या आहेत. याबाबतची माहिती खासगी दवाखान्यांना आरोग्य विभागाने अद्याप दिलेली नाही.
डेंगी आजाराची तपासणी करणाऱ्या खाजगी प्रयोगशाळा, वैद्यकिय व्यावसायिक तसेच दवाखाने आता आरोग्य विभागाच्या रडारवर आले आहेत. डेंगीच्या तपासणीत रुग्णास डेंगीचे निदान झाल्यानंतर त्याची माहिती आरोग्य विभागास देणे बंधनकारक करण्यात आले आहे. या महत्वाच्या कामात टाळाटाळ करणारे व्यावसायिक तसेच संस्थांवर दंडात्मक कारवाई करण्याचा निर्णय आरोग्य विभागाने घेतला असून तशा सूचना वैद्यकिय संस्थांनाही दिल्या आहेत.
जिल्ह्यामध्ये सध्या साथरोगांचे रूग्ण आढळत आहेत. या रुग्णांच्या उपचारासाठी सरकारी दवाखान्यांत व्यवस्था केली आहे. सरकारी दवाखान्यांत आजाराची तपासणी करुन उपचार केले जात आहेत. असे असले तरी खासगी दवाखान्यांमध्येही या आजारांचे रुग्ण दाखल होतात. येथील रुग्णांची तपासणी खासगी प्रयोगशाळांमध्येच केली जाते. या तपासणीत डेंगीचा रुग्ण आढळल्यानंतर उपचार केले जातात. या सर्वांची माहिती जवळच्या सरकारी दवाखान्यांना देणे सरकारने बंधनकारक केले आहे. रुग्णांची माहिती नियमित देण्यात हलगर्जीपणा होऊ नये यासाठी खासगी संस्थांवर कारवाई करण्याचा निर्णय आरोग्य विभागाने घेतला आहे. डेंगीच्या रुग्णांची माहिती देण्यात खासगी व्यावसायिक, खासगी दवाखाने, प्रयोगशाळा यांच्याकडून टाळाटाळ झाल्यास त्यांच्यावर दंडात्मक कारवाई केली जाणार आहे.
तपासण्या बंदच्या सूचना
डेंगी आजाराच्या रॅपीड डायग्नोस्टीक किटचा वापर करण्यावर सरकारने बंदी घातली आहे. आदेश काढून तशा सूचनाही देण्यात आल्या आहेत. याबाबतची माहिती खासगी दवाखान्यांना आरोग्य विभागाने अद्याप दिलेली नाही.