अहमदनगर: छत्रपती शिवाजी महाराज यांच्याबद्दल अपशब्द वापरल्याप्रकरणी नगरचे भाजपचे उपमहापौर श्रीपाद छिंदम यांच्याविरुद्ध गुन्हा दाखल करण्यात आला आहे. महापालिकेतील एका कर्मचाऱ्यासोबत बोलताना छिंदम यांनी शिवरायांबद्दल अपशब्द वापरले. त्याची क्लिप व्हायरल होताच शहरात खळबळ उडाली. शिवसेना, राष्ट्रवादी या पक्षांसह विविध संघटना रस्त्यावर उतरल्या असून त्यांनी भाजप कार्यालयावर दगडफेक केली. शिवसेनेचे नगरसेवक दिलीप सातपुते यांनी दिलेल्या फिर्यादीवरून तोफखाना पोलीस ठाण्यात छिंदम यांच्याविरुद्ध भावना दुखावल्याचा गुन्हा दाखल करण्यात आला आहे.
शुक्रवारी सकाळी छिंदम यांनी बांधकाम विभागातील एका कर्मचाऱ्याला कामासंबंधी फोन केला होता. फोनवर बोलताना त्या कर्मचाऱ्याने शिवजयंती होऊ द्या, मग तुमचे काम मार्गी, लावू असे सांगितले. याचा राग येऊन छिंदम यांनी शिवराय आणि शिवजयंतीबद्दल अपशब्द वापरले. याची माहिती मिळताच मनपा कर्मचाऱ्यांनी काम बंद करून मनपा गेटसमोर निदर्शने केली. संभाषणाची ही क्लिप व्हायरल झाल्यानंतर शहरात संतापाची लाट पसरली. विविध संघटनांच्या कार्यकर्त्यांनी दिल्लीगे ट येथे छिंदम यांच्या कार्यालयावर दगडफेक केली. त्यानंतर गांधी मैदानातील भाजप कार्यलायवरही मोर्चा वळविण्यात आला. तोपर्यंत पोलिसांनी शहरात बंदोबस्त वाढविला होता.
शिवसेनेचे उपनेते अनिल राठोड यांनी छिंदम यांचा निषेध केला व राजीनाम्याची मागणी केली. नगरसेवक सातपुते कार्यकर्त्यांसह तोफखाना पोलिस ठाण्यात गेले. त्यांच्या फिर्यादीवरून पोलिसांनी गुन्हा दाखल केला. शहर जिल्हा युवक काँगेसचे गौरव ढोणे, याशिवाय शिव प्रतिष्ठान. हिंदू राष्ट्र सेना, लोकशाही विचार मंच यांनीही पोलीस ठाण्यात येऊन निवेदन दिली.
राष्ट्रवादी काँग्रेसचे आमदार संग्राम जगताप यांच्या नेतृत्वाखाली जिल्हाधिकारी कार्यालयावर मोर्चा काढण्यात आला. छिंदम हे खासदार दिलीप गांधी यांचे समर्थक आहेत. त्यामुळे गांधी यांचाही निषेध करण्यात आला. तसे फलक ठिकठिकाणी लावण्यात आले आहेत. सकल मराठा समाजाचे प्रदेश सदस्य यांनी भिंगार शहर बंदचे आवाहन केले आहे. शहरात सर्वत्र पोलीस बंदोबस्त तैनात करण्यात आला आहे.
शुक्रवारी सकाळी छिंदम यांनी बांधकाम विभागातील एका कर्मचाऱ्याला कामासंबंधी फोन केला होता. फोनवर बोलताना त्या कर्मचाऱ्याने शिवजयंती होऊ द्या, मग तुमचे काम मार्गी, लावू असे सांगितले. याचा राग येऊन छिंदम यांनी शिवराय आणि शिवजयंतीबद्दल अपशब्द वापरले. याची माहिती मिळताच मनपा कर्मचाऱ्यांनी काम बंद करून मनपा गेटसमोर निदर्शने केली. संभाषणाची ही क्लिप व्हायरल झाल्यानंतर शहरात संतापाची लाट पसरली. विविध संघटनांच्या कार्यकर्त्यांनी दिल्लीगे ट येथे छिंदम यांच्या कार्यालयावर दगडफेक केली. त्यानंतर गांधी मैदानातील भाजप कार्यलायवरही मोर्चा वळविण्यात आला. तोपर्यंत पोलिसांनी शहरात बंदोबस्त वाढविला होता.
शिवसेनेचे उपनेते अनिल राठोड यांनी छिंदम यांचा निषेध केला व राजीनाम्याची मागणी केली. नगरसेवक सातपुते कार्यकर्त्यांसह तोफखाना पोलिस ठाण्यात गेले. त्यांच्या फिर्यादीवरून पोलिसांनी गुन्हा दाखल केला. शहर जिल्हा युवक काँगेसचे गौरव ढोणे, याशिवाय शिव प्रतिष्ठान. हिंदू राष्ट्र सेना, लोकशाही विचार मंच यांनीही पोलीस ठाण्यात येऊन निवेदन दिली.
राष्ट्रवादी काँग्रेसचे आमदार संग्राम जगताप यांच्या नेतृत्वाखाली जिल्हाधिकारी कार्यालयावर मोर्चा काढण्यात आला. छिंदम हे खासदार दिलीप गांधी यांचे समर्थक आहेत. त्यामुळे गांधी यांचाही निषेध करण्यात आला. तसे फलक ठिकठिकाणी लावण्यात आले आहेत. सकल मराठा समाजाचे प्रदेश सदस्य यांनी भिंगार शहर बंदचे आवाहन केले आहे. शहरात सर्वत्र पोलीस बंदोबस्त तैनात करण्यात आला आहे.