अहमदनगर : भाजपने मिशन २०२४ अंतर्गत सुमारे वर्षभरापूर्वी जिल्ह्याचे प्रभारी नेते नियुक्त केले आहेत. अहमदनगर जिल्ह्याचे प्रभारी म्हणून उपमुख्यमंत्री देवेंद्र फडणवीस यांची नियुक्ती झाली. मात्र, तेव्हापासून ते नगरला पक्षाच्या कार्यक्रमासाठी म्हणून आलेच नव्हते. आता २५ आणि २६ मे रोजी ते नगर शहर आणि शिर्डीत येत आहेत. त्यांचा हा मुक्कामी दौरा आहे. सोबत सरकारी बैठका, समृद्धी महामार्गाच्या दुसऱ्या टप्प्याचे उद्घाटन आणि भारतीय जनता पक्षाचा कार्यकर्ता संवाद मेळावा असे भरगच्च कार्यक्रम आयोजित करण्यात आले आहेत. पक्षाच्या चौदा प्रमुख नेत्यांना जिल्हानिहाय जबाबदारी वाटप करण्यात आलं आहे.
राष्ट्रवादीचा बालेकिल्ला म्हणून ओळखल्या जाणाऱ्या अहमदनगर जिल्ह्याची जबाबदारी देवेंद्र फडणवीस यांच्याकडे सोपविण्यात आली आहे. गेल्या वर्षभरापासून फडणवीस लवकरच येणार, असे सांगण्यात येत होते. मात्र, मुहुर्त लागत नव्हता. मधल्या काळात सत्तांतर होऊन त्यांच्यावर आणखी नवी जबाबदारी आली. इतर कार्यक्रमांच्या निमित्ताने ते नगर आणि शिर्डीत येऊन गेले असले तरी ज्या कामासाठी पक्षाने नियुक्ती केली, त्या पक्ष विस्ताराच्या कामासाठी मात्र, ते प्रथमच नगरला येत आहेत.
उपमुख्यमंत्री देवेंद्र फडणवीस उद्या गुरूवारी २५ मे रोजी नगर शहरात येत आहेत. त्यांच्या उपस्थितीत भारतीय जनता पक्षाचा कार्यकर्ता संवाद मेळावा दुपारी बारा वाजता सावेडीतील एकविरा चौकात असलेल्या कोहिनूर मंगल कार्यालयात होणार आहे. नागपूर-मुंबई समृद्धी महामार्गाच्या दुसऱ्या टप्प्याचे उद्घाटन शुक्रवारी दुपारी दोन वाजता शिर्डी येथे होणार आहे. या कार्यक्रमास मुख्यमंत्री एकनाथ शिंदे हेही उपस्थित राहणार आहेत. त्यापूर्वी उपमुख्यमंत्री देवेंद्र फडणवीस यांच्या उपस्थितीत सकाळी नगर शहरामध्ये विविध कार्यक्रम होणार आहेत. फडणवीस गुरुवारी २५ मे रोजी सायंकाळी नगर शहरात येणार असून येथे मुक्काम करणार आहेत. त्यानंतर शुक्रवारी २६ मे रोजी सकाळी साडेनऊ वाजता जिल्हाधिकारी कार्यालयात ते आढावा बैठक घेणार आहेत.
नगरच्या नवीन जिल्हाधिकारी कार्यालयाच्यासमोर असलेल्या जुन्या शासकीय विश्रामगृहाच्या आवारात नवे शासकीय विश्रामगृह उभारले जाणार आहे. त्याचे भूमिपूजन फडणवीस यांच्या हस्ते होणार आहे. नगरच्या जिल्हा शासकीय रुग्णालयाच्या आवारात छत्तीस कोटी रुपये खर्चून उभारण्यात येणाऱ्या वुमन्स अँड चाइल्ड्स हॉस्पिटलचे भूमिपूजन त्यांच्या हस्ते होणार आहे. त्यानंतर दुपारी बारा वाजता कोहिनूर मंगल कार्यालयात भारतीय जनता पक्षाच्या पदाधिकारी व कार्यकर्त्यांशी ते संवाद साधणार आहेत. त्यांच्या या दौऱ्यामुळे पक्षाच्या कार्यकर्त्यांमध्ये उत्साहाचे वातावरण आहे. पक्षाचे प्रभारी म्हणून ते या मेळाव्यात कार्यकर्त्यांना काय संदेश देणार, याकडे लक्ष लागले आहे.
राष्ट्रवादीचा बालेकिल्ला म्हणून ओळखल्या जाणाऱ्या अहमदनगर जिल्ह्याची जबाबदारी देवेंद्र फडणवीस यांच्याकडे सोपविण्यात आली आहे. गेल्या वर्षभरापासून फडणवीस लवकरच येणार, असे सांगण्यात येत होते. मात्र, मुहुर्त लागत नव्हता. मधल्या काळात सत्तांतर होऊन त्यांच्यावर आणखी नवी जबाबदारी आली. इतर कार्यक्रमांच्या निमित्ताने ते नगर आणि शिर्डीत येऊन गेले असले तरी ज्या कामासाठी पक्षाने नियुक्ती केली, त्या पक्ष विस्ताराच्या कामासाठी मात्र, ते प्रथमच नगरला येत आहेत.
उपमुख्यमंत्री देवेंद्र फडणवीस उद्या गुरूवारी २५ मे रोजी नगर शहरात येत आहेत. त्यांच्या उपस्थितीत भारतीय जनता पक्षाचा कार्यकर्ता संवाद मेळावा दुपारी बारा वाजता सावेडीतील एकविरा चौकात असलेल्या कोहिनूर मंगल कार्यालयात होणार आहे. नागपूर-मुंबई समृद्धी महामार्गाच्या दुसऱ्या टप्प्याचे उद्घाटन शुक्रवारी दुपारी दोन वाजता शिर्डी येथे होणार आहे. या कार्यक्रमास मुख्यमंत्री एकनाथ शिंदे हेही उपस्थित राहणार आहेत. त्यापूर्वी उपमुख्यमंत्री देवेंद्र फडणवीस यांच्या उपस्थितीत सकाळी नगर शहरामध्ये विविध कार्यक्रम होणार आहेत. फडणवीस गुरुवारी २५ मे रोजी सायंकाळी नगर शहरात येणार असून येथे मुक्काम करणार आहेत. त्यानंतर शुक्रवारी २६ मे रोजी सकाळी साडेनऊ वाजता जिल्हाधिकारी कार्यालयात ते आढावा बैठक घेणार आहेत.
नगरच्या नवीन जिल्हाधिकारी कार्यालयाच्यासमोर असलेल्या जुन्या शासकीय विश्रामगृहाच्या आवारात नवे शासकीय विश्रामगृह उभारले जाणार आहे. त्याचे भूमिपूजन फडणवीस यांच्या हस्ते होणार आहे. नगरच्या जिल्हा शासकीय रुग्णालयाच्या आवारात छत्तीस कोटी रुपये खर्चून उभारण्यात येणाऱ्या वुमन्स अँड चाइल्ड्स हॉस्पिटलचे भूमिपूजन त्यांच्या हस्ते होणार आहे. त्यानंतर दुपारी बारा वाजता कोहिनूर मंगल कार्यालयात भारतीय जनता पक्षाच्या पदाधिकारी व कार्यकर्त्यांशी ते संवाद साधणार आहेत. त्यांच्या या दौऱ्यामुळे पक्षाच्या कार्यकर्त्यांमध्ये उत्साहाचे वातावरण आहे. पक्षाचे प्रभारी म्हणून ते या मेळाव्यात कार्यकर्त्यांना काय संदेश देणार, याकडे लक्ष लागले आहे.