म.टा.प्रतिनिधी,नगर
नगर शहराला लागून असलेल्या केकताईच्या डोंगरातील केकताई आश्रमाचे सूरजनाथ महाराज यांच्यासह एका शिष्याचा जळालेल्या अवस्थेत मृतदेह आढळले आहेत. या दोघांचा खून करून पुरावा नष्ट करण्यासाठी त्यांचे मृतदेह जाळण्यात आले असल्याचा पोलिसांचा संशय आहे. त्या दृष्टीने पोलिसांनी चौकशी सुरू केली आहे.
सूरजनाथ महाराज उर्फ सुदाम नामदेव बांगर (वय ५५, रा. वडगाव गुप्ता, नगर), यादव उर्फ बाबासाहेब बाबूराव कराळे (वय ५५ शेंडी, नगर) अशी दोघांची नावे आहेत. महाराजांच्या मृतदेहाचा जळून कोळसा झालेला आहे. तर कराळे या शिष्याचा मृतदेह अर्धवट जळालेल्या अवस्थेत आढळला आहे. याप्रकरणी एमआयडीसी पोलिसांनी अकस्मात मृत्यूची नोंद केली आहे.
बुधवारी रात्रीच्या दरम्यान हे कृत्य झाले असून, गुरुवारी दुपारी बारानंतर दोघांचा मृतदेह जळालेल्या अवस्थेत आढळून आले. नगर तालुक्यातील वडगाव गुप्ता गावाच्या हद्दीत विखे पाटील कॉलेजच्या पाठीमागील बाजूस केकताई डोंगर आहे. या डोंगरात केकताई देवीची मंदिर असून, जवळ आश्रम आहे. हा परिसर निर्मनुष्य असतो. मृतदेहाची माहिती मिळाल्यानंतर एमआयडीसी पोलिस स्टेशनचे सहायक पोलिस निरीक्षक विनोद चव्हाणसह पोलिस कर्मचारी हे घटनास्थळी दाखल झाले. सुदाम बांगर महाराज यांचा मृतदेह झोपडीत पूर्णपणे जळालेल्या अवस्थेत आढळून आला. तर शिष्य कराळे यांचा मृतदेह हा झोपडी बाहेर अर्धवट जळालेल्या अवस्थेत होता. या दोघांच्या मृतदेहाजवळ रक्त पडले होते. या दोघांची हत्या करून पुरावा नष्ट करण्यासाठी मृतदेह जाळला असावा, असा पोलिसांचा संशय आहे.
पोलिस अधीक्षक रंजनकुमार शर्मा, अप्पर पोलिस अधीक्षक घनश्याम पाटील व पोलिस उपअधीक्षक यांना घटनास्थळी जावून पाहणी केली. ही माहिती मिळाल्यानंतर परिसरातील गावांतील ग्रामस्थ घटनास्थळी जमले होते.
मंदिरातील दानपेटी सुरक्षित
आश्रमाजवळ केकताई देवीचे मंदिर असून, या मंदिराची दानपेटी सुरक्षित आहे. तसेच महाराजांच्या झोपडीतील वस्तूही चोरीला गेलेल्या नाहीत. त्यामुळे चोरीच्या उद्देशाने हत्या झालेली नसल्याची माहिती पोलिसांकडून मिळाली.
दोन्ही मृतदेहाजवळ रक्त आढळून आल्याने हत्या केल्याचा संशय असून, त्या दृष्टीने तपास करण्यात येत आहे. या आश्रमात महाराजांबरोबर आणखी दोघे राहत असल्याची माहिती मिळाली असून, या दोघांचा शोध घेण्यात येत आहे.
आनंद भोईटे, पोलिस उपअधीक्षक, नगर ग्रामीण
नगर शहराला लागून असलेल्या केकताईच्या डोंगरातील केकताई आश्रमाचे सूरजनाथ महाराज यांच्यासह एका शिष्याचा जळालेल्या अवस्थेत मृतदेह आढळले आहेत. या दोघांचा खून करून पुरावा नष्ट करण्यासाठी त्यांचे मृतदेह जाळण्यात आले असल्याचा पोलिसांचा संशय आहे. त्या दृष्टीने पोलिसांनी चौकशी सुरू केली आहे.
सूरजनाथ महाराज उर्फ सुदाम नामदेव बांगर (वय ५५, रा. वडगाव गुप्ता, नगर), यादव उर्फ बाबासाहेब बाबूराव कराळे (वय ५५ शेंडी, नगर) अशी दोघांची नावे आहेत. महाराजांच्या मृतदेहाचा जळून कोळसा झालेला आहे. तर कराळे या शिष्याचा मृतदेह अर्धवट जळालेल्या अवस्थेत आढळला आहे. याप्रकरणी एमआयडीसी पोलिसांनी अकस्मात मृत्यूची नोंद केली आहे.
बुधवारी रात्रीच्या दरम्यान हे कृत्य झाले असून, गुरुवारी दुपारी बारानंतर दोघांचा मृतदेह जळालेल्या अवस्थेत आढळून आले. नगर तालुक्यातील वडगाव गुप्ता गावाच्या हद्दीत विखे पाटील कॉलेजच्या पाठीमागील बाजूस केकताई डोंगर आहे. या डोंगरात केकताई देवीची मंदिर असून, जवळ आश्रम आहे. हा परिसर निर्मनुष्य असतो. मृतदेहाची माहिती मिळाल्यानंतर एमआयडीसी पोलिस स्टेशनचे सहायक पोलिस निरीक्षक विनोद चव्हाणसह पोलिस कर्मचारी हे घटनास्थळी दाखल झाले. सुदाम बांगर महाराज यांचा मृतदेह झोपडीत पूर्णपणे जळालेल्या अवस्थेत आढळून आला. तर शिष्य कराळे यांचा मृतदेह हा झोपडी बाहेर अर्धवट जळालेल्या अवस्थेत होता. या दोघांच्या मृतदेहाजवळ रक्त पडले होते. या दोघांची हत्या करून पुरावा नष्ट करण्यासाठी मृतदेह जाळला असावा, असा पोलिसांचा संशय आहे.
पोलिस अधीक्षक रंजनकुमार शर्मा, अप्पर पोलिस अधीक्षक घनश्याम पाटील व पोलिस उपअधीक्षक यांना घटनास्थळी जावून पाहणी केली. ही माहिती मिळाल्यानंतर परिसरातील गावांतील ग्रामस्थ घटनास्थळी जमले होते.
मंदिरातील दानपेटी सुरक्षित
आश्रमाजवळ केकताई देवीचे मंदिर असून, या मंदिराची दानपेटी सुरक्षित आहे. तसेच महाराजांच्या झोपडीतील वस्तूही चोरीला गेलेल्या नाहीत. त्यामुळे चोरीच्या उद्देशाने हत्या झालेली नसल्याची माहिती पोलिसांकडून मिळाली.
दोन्ही मृतदेहाजवळ रक्त आढळून आल्याने हत्या केल्याचा संशय असून, त्या दृष्टीने तपास करण्यात येत आहे. या आश्रमात महाराजांबरोबर आणखी दोघे राहत असल्याची माहिती मिळाली असून, या दोघांचा शोध घेण्यात येत आहे.
आनंद भोईटे, पोलिस उपअधीक्षक, नगर ग्रामीण