नगर : पिस्तूल म्हणून एयरगनचा धाक दाखवून मालट्रक रस्त्यात थांबवून ट्रकचालकाला लुटणारी टोळी स्थानिक गुन्हे शाखेच्या पथकाने गजांआड केली. पकडलेली टोळी स्थानिक असून, त्यांच्याकडून दोन मोबाइल, एक कार जप्त करण्यात आली आहे. शरद नारायण बरे (रा. माका, नेवासे), दीपक गणेश गुगळे, अमोल अण्णासाहेब लोंढे, प्रशांत पंढरीनाथ खोसे (तिघेही रा. शेवगाव), सौरभ शुभम चोरमले (रा. माका) असे पकडलेल्या आरोपींचे नावे आहेत. तीन दिवसांपूर्वी जामखेड तालुक्यात लोखंडी सळ्याने भरलेला ट्रकचालकाला अडवून लुटण्यात आले होते. याप्रकरणी जामखेड पोलिस स्टेशनला गुन्हा नोंदविण्यात आला होता. या ट्रकचालकाला एअरगनचा धाक दाखवून लुटण्यात आले होते. स्थानिक गुन्हे शाखेने समांतर तपास करत नेवासा येथून शरद बरे याला चौकशीसाठी ताब्यात घेतले. चौकशीत त्याने जामखेडमध्ये ट्रकचालकाला लुटल्याचे कबूल केल्यानंतर इतर चार साथीदारांचा शोध घेऊन त्यांना पकडण्यात आले आहे.
वाहनचालकांना लुटणारी टोळी पकडली
पिस्तूल म्हणून एयरगनचा धाक दाखवून मालट्रक रस्त्यात थांबवून ट्रकचालकाला लुटणारी टोळी स्थानिक गुन्हे शाखेच्या पथकाने गजांआड केली...
Maharashtra Times 14 Sep 2018, 4:00 am