म. टा. प्रतिनिधी, नगर
पालकमंत्री प्रा. राम शिंदे यांच्या हस्ते भूईकोट किल्ला परिसरामध्ये शनिवारी सकाळी शतकोटी वृक्षलागवड मोहिमेंतर्गत जिल्ह्याच्या वृक्षारोपण मोहिमेच्या प्रारंभाचा कार्यक्रम सुरू असताना त्याचे हवाई चित्रीकरण करण्यासाठी आकाशात उडवलेला ड्रोन कॅमेरा अचानक गायब झाला. त्यामुळे येथे खळबळ उडाली आले. या परिसराचा काही भाग लष्कराच्या हद्दीमध्ये येतो. त्यामुळे आकाशामध्ये उडवण्यात आलेला ड्रोन कॅमेरा लष्कराने जप्त केल्याची चर्चा आहे. तर, ड्रोन कॅमेरा शोधण्याचे काम सुरू असून त्याची माहिती लष्करी अधिकाऱ्यांना दिली आहे. जर, त्यांच्या हद्दीमध्ये ड्रोन सापडले, तर तो पुन्हा मिळवण्यासाठी आवश्यक ती कार्यवाही करणार असल्याचे जिल्हा प्रशासनाच्या वतीने सांगण्यात आले.
शनिवारी (६ जुलै) वनविभागाने नगर क्लबसमोरील भूईकोट किल्ला परिसरात वृक्षारोपणाचा कार्यक्रम आयोजित केला होता. पालकमंत्री प्रा. राम शिंदे, आमदार बाळासाहेब मुरकुटे यांच्यासह जिल्हाधिकारी राहुल द्विवेदी, उपवनसंरक्षक आदर्श रेड्डी, जिल्हा परिषदेचे मुख्य कार्यकारी अधिकारी विश्वजित माने यांच्यासह वन व महसूल विभागाचे वरिष्ठ अधिकारी उपस्थित होते. या कार्यक्रमाचे आकाशामधून चित्रीकरण करण्यासाठी ड्रोन कॅमेरा वापरण्यात येत होता. मात्र, हा ड्रोन कॅमेरा आकाशात झेपावल्यानंतर ठराविक उंचीवर गेल्यावर तो अचानक गायब झाला. किल्ल्यासह जवळील परिसर लष्कराच्या हद्दीमध्ये येत असल्यामुळे आकाशामध्ये उडवण्यात आलेला ड्रोन नेमका कोठे गायब झाला, याची जोरदार चर्चा होती. ज्याने हवाई चित्रिकरणासाठी हा ड्रोन कॅमेरा आणला होता, तो हातातील रिमोटद्वारे त्याचे नियंत्रण करीत होता. मात्र, अचानक त्याचे त्यावरील नियंत्रण बंद झाले. आकाशातूनच ड्रोन गायब झाला. त्यानंतर परिसरात कॅमेऱ्याचा शोध घेण्याचा प्रयत्नही करण्यात आला. पण तो सापडला नाही. दरम्यान, निर्धारित उंचीपेक्षा जास्त उंचीवर गेल्याने लष्कराकडून तो जप्त करण्यात आला असावा, अशी शक्यता वर्तवण्यात येत आहे. पण आकाशातून ड्रोन कॅमेरा गायब झाल्याची चर्चा मात्र जोरदार आहे.
ड्रोन सापडल्यानंतर पुढील कार्यवाही : द्विवेदी
'वृक्षारोपणाच्या कार्यक्रमाचे चित्रीकरण करण्यासाठी उडवण्यात आलेला ड्रोन कॅमेरा हा त्यांना ठरवून दिलेल्या उंचीपेक्षा जास्त उंचीवर गेला. त्यामुळे बहुतेक तो ड्रोन लष्कराने जप्त केला असावा, अशी मला माहिती मिळाली आहे. ड्रोन कॅमेऱ्याचा शोध सुरू आहे. ड्रोन सापडल्यानंतर नियमानुसार पुढील कार्यवाही करण्यात येईल,' असे जिल्हाधिकारी राहुल द्विवेदी यांनी 'मटा'शी बोलताना सांगितले.
पालकमंत्री प्रा. राम शिंदे यांच्या हस्ते भूईकोट किल्ला परिसरामध्ये शनिवारी सकाळी शतकोटी वृक्षलागवड मोहिमेंतर्गत जिल्ह्याच्या वृक्षारोपण मोहिमेच्या प्रारंभाचा कार्यक्रम सुरू असताना त्याचे हवाई चित्रीकरण करण्यासाठी आकाशात उडवलेला ड्रोन कॅमेरा अचानक गायब झाला. त्यामुळे येथे खळबळ उडाली आले. या परिसराचा काही भाग लष्कराच्या हद्दीमध्ये येतो. त्यामुळे आकाशामध्ये उडवण्यात आलेला ड्रोन कॅमेरा लष्कराने जप्त केल्याची चर्चा आहे. तर, ड्रोन कॅमेरा शोधण्याचे काम सुरू असून त्याची माहिती लष्करी अधिकाऱ्यांना दिली आहे. जर, त्यांच्या हद्दीमध्ये ड्रोन सापडले, तर तो पुन्हा मिळवण्यासाठी आवश्यक ती कार्यवाही करणार असल्याचे जिल्हा प्रशासनाच्या वतीने सांगण्यात आले.
शनिवारी (६ जुलै) वनविभागाने नगर क्लबसमोरील भूईकोट किल्ला परिसरात वृक्षारोपणाचा कार्यक्रम आयोजित केला होता. पालकमंत्री प्रा. राम शिंदे, आमदार बाळासाहेब मुरकुटे यांच्यासह जिल्हाधिकारी राहुल द्विवेदी, उपवनसंरक्षक आदर्श रेड्डी, जिल्हा परिषदेचे मुख्य कार्यकारी अधिकारी विश्वजित माने यांच्यासह वन व महसूल विभागाचे वरिष्ठ अधिकारी उपस्थित होते. या कार्यक्रमाचे आकाशामधून चित्रीकरण करण्यासाठी ड्रोन कॅमेरा वापरण्यात येत होता. मात्र, हा ड्रोन कॅमेरा आकाशात झेपावल्यानंतर ठराविक उंचीवर गेल्यावर तो अचानक गायब झाला. किल्ल्यासह जवळील परिसर लष्कराच्या हद्दीमध्ये येत असल्यामुळे आकाशामध्ये उडवण्यात आलेला ड्रोन नेमका कोठे गायब झाला, याची जोरदार चर्चा होती. ज्याने हवाई चित्रिकरणासाठी हा ड्रोन कॅमेरा आणला होता, तो हातातील रिमोटद्वारे त्याचे नियंत्रण करीत होता. मात्र, अचानक त्याचे त्यावरील नियंत्रण बंद झाले. आकाशातूनच ड्रोन गायब झाला. त्यानंतर परिसरात कॅमेऱ्याचा शोध घेण्याचा प्रयत्नही करण्यात आला. पण तो सापडला नाही. दरम्यान, निर्धारित उंचीपेक्षा जास्त उंचीवर गेल्याने लष्कराकडून तो जप्त करण्यात आला असावा, अशी शक्यता वर्तवण्यात येत आहे. पण आकाशातून ड्रोन कॅमेरा गायब झाल्याची चर्चा मात्र जोरदार आहे.
ड्रोन सापडल्यानंतर पुढील कार्यवाही : द्विवेदी
'वृक्षारोपणाच्या कार्यक्रमाचे चित्रीकरण करण्यासाठी उडवण्यात आलेला ड्रोन कॅमेरा हा त्यांना ठरवून दिलेल्या उंचीपेक्षा जास्त उंचीवर गेला. त्यामुळे बहुतेक तो ड्रोन लष्कराने जप्त केला असावा, अशी मला माहिती मिळाली आहे. ड्रोन कॅमेऱ्याचा शोध सुरू आहे. ड्रोन सापडल्यानंतर नियमानुसार पुढील कार्यवाही करण्यात येईल,' असे जिल्हाधिकारी राहुल द्विवेदी यांनी 'मटा'शी बोलताना सांगितले.