अहमदनगर :
सावेडी कचरा डेपोला लागलेल्या आगीमुळे गेल्या चार दिवसांपासून सावेडी उपनगरातील काही भागांमध्ये धुराचे लोट येत आहेत. धुरामुळे श्वसन विकार होण्याचाही धोका असून त्यामुळे नागरिकांनी काळजी घेण्याची गरज असल्याचे वैद्यकीय क्षेत्रातील तज्ज्ञांचे मत आहे.
......
श्वसनाचे सर्व प्रकारचे आजार धुरामुळे वाढू शकतात. लहान बाळ, गर्भवती महिला, यांच्या आरोग्यावर लवकर परिणाम होऊ शकतो. डोळे, त्वचा यांचेही आजार होऊ शकतात. धुरापासून नागरिकांनी काळजी घेण्याची गरज आहे. घराबाहेर पडताना मास्क वापरावे. तसेच जास्त त्रास होऊ लागताच, डॉक्टरांचा सल्ला घ्यावा.
- डॉ. धनंजय कुलकर्णी, सचिव, आयएमए
......
धुरामुळे प्रदूषण वाढल्यामुळे श्वसनाचे विकार होऊ शकतात. विषारी गॅस तयार झाल्यास त्याचा आरोग्यावर विपरित परिणाम होऊ शकतो. त्यामुळे धूर येणे जोपर्यंत शांत होत नाही, तोपर्यंत मास्क वापरणे गरजेचे आहे. आपल्या भागात जर जास्त प्रमाणात धूर येत असेल, तर मुलांना घराच्या बाहेर खेळण्यासाठी पाठवू नये.
- सचिन रक्ताटे, बालरोगतज्ज्ञ
.........
हे आहेत धोकेः
- विषारी आणि दुर्गधीयुक्त वायुची निर्मिती
-पर्यावरणास हानी
-श्वसनाचे आजार
-खोकला, अस्थमा आणि डोळ्यांची जळजळ
- धुरामुळे नाक वाहणे, खोकला, डोळे येणे
- धुराच्या सतत संपर्काने फुफ्फुसाचे आजार
- त्वचा विकार होण्याचा धोका
......
अशी घ्या काळजीः
- घरातून बाहेर पडताना मास्कचा वापर करावा.
- धूर येणे जोपर्यंत शांत होत नाही, तोपर्यंत लहान मुलांना खेळण्यासाठी बाहेर पाठवणे टाळा.
- धूर येत असलेल्या भागामध्ये फिरण्यासाठी जाणे टाळा.
- धुरामुळे त्रास होऊ लागताच, डॉक्टरांचा सल्ला घ्या.
........
फिरायला जाण्याची अडचणी
सावेडी उपनगरातील सर्वांनाच शहराबाहेरील दूरच्या डोंगरांवर फिरायला जाणे शक्य होत नाही. उपनगरातील बहुतांश नागरिक सकाळी व सायंकाळी फिरायला जाण्यासाठी पाइपलाइन रोड, तपोवन रोड, आठरे पाटील पब्लिक स्कूल रोड, निर्मलनगर रोड, भिस्तबाग महल परिसर, याभागामध्ये फिरण्यासाठी जाणे पसंत करतात. परंतु सावेडी कचरा डेपोला आग लागल्याने धुराची समस्या निर्माण झाल्याने दररोज सकाळी व सायंकाळी फिरण्यासाठी जाणाऱ्या नागरिकांचीही अडचण झाली आहे.
....................
सावेडी कचरा डेपोला लागलेल्या आगीमुळे गेल्या चार दिवसांपासून सावेडी उपनगरातील काही भागांमध्ये धुराचे लोट येत आहेत. धुरामुळे श्वसन विकार होण्याचाही धोका असून त्यामुळे नागरिकांनी काळजी घेण्याची गरज असल्याचे वैद्यकीय क्षेत्रातील तज्ज्ञांचे मत आहे.
......
श्वसनाचे सर्व प्रकारचे आजार धुरामुळे वाढू शकतात. लहान बाळ, गर्भवती महिला, यांच्या आरोग्यावर लवकर परिणाम होऊ शकतो. डोळे, त्वचा यांचेही आजार होऊ शकतात. धुरापासून नागरिकांनी काळजी घेण्याची गरज आहे. घराबाहेर पडताना मास्क वापरावे. तसेच जास्त त्रास होऊ लागताच, डॉक्टरांचा सल्ला घ्यावा.
- डॉ. धनंजय कुलकर्णी, सचिव, आयएमए
......
धुरामुळे प्रदूषण वाढल्यामुळे श्वसनाचे विकार होऊ शकतात. विषारी गॅस तयार झाल्यास त्याचा आरोग्यावर विपरित परिणाम होऊ शकतो. त्यामुळे धूर येणे जोपर्यंत शांत होत नाही, तोपर्यंत मास्क वापरणे गरजेचे आहे. आपल्या भागात जर जास्त प्रमाणात धूर येत असेल, तर मुलांना घराच्या बाहेर खेळण्यासाठी पाठवू नये.
- सचिन रक्ताटे, बालरोगतज्ज्ञ
.........
हे आहेत धोकेः
- विषारी आणि दुर्गधीयुक्त वायुची निर्मिती
-पर्यावरणास हानी
-श्वसनाचे आजार
-खोकला, अस्थमा आणि डोळ्यांची जळजळ
- धुरामुळे नाक वाहणे, खोकला, डोळे येणे
- धुराच्या सतत संपर्काने फुफ्फुसाचे आजार
- त्वचा विकार होण्याचा धोका
......
अशी घ्या काळजीः
- घरातून बाहेर पडताना मास्कचा वापर करावा.
- धूर येणे जोपर्यंत शांत होत नाही, तोपर्यंत लहान मुलांना खेळण्यासाठी बाहेर पाठवणे टाळा.
- धूर येत असलेल्या भागामध्ये फिरण्यासाठी जाणे टाळा.
- धुरामुळे त्रास होऊ लागताच, डॉक्टरांचा सल्ला घ्या.
........
फिरायला जाण्याची अडचणी
सावेडी उपनगरातील सर्वांनाच शहराबाहेरील दूरच्या डोंगरांवर फिरायला जाणे शक्य होत नाही. उपनगरातील बहुतांश नागरिक सकाळी व सायंकाळी फिरायला जाण्यासाठी पाइपलाइन रोड, तपोवन रोड, आठरे पाटील पब्लिक स्कूल रोड, निर्मलनगर रोड, भिस्तबाग महल परिसर, याभागामध्ये फिरण्यासाठी जाणे पसंत करतात. परंतु सावेडी कचरा डेपोला आग लागल्याने धुराची समस्या निर्माण झाल्याने दररोज सकाळी व सायंकाळी फिरण्यासाठी जाणाऱ्या नागरिकांचीही अडचण झाली आहे.
....................