अ‍ॅपशहर

‘कमवा व शिका’ योजनेची मानधनवाढ

सावित्रीबाई फुले पुणे विद्यापीठाच्या विद्यार्थी कल्याण मंडळाच्या वतीने चालवण्यात येणाऱ्या ‘कमवा व शिका’ योजनेच्या मानधनात वाढ करण्यात आली आहे.

Maharashtra Times 7 Mar 2017, 3:00 am
म. टा. प्रतिनिधी, नगर
महाराष्ट्र टाइम्स.कॉम earn and learn scheme
‘कमवा व शिका’ योजनेची मानधनवाढ


सावित्रीबाई फुले पुणे विद्यापीठाच्या विद्यार्थी कल्याण मंडळाच्या वतीने चालवण्यात येणाऱ्या ‘कमवा व शिका’ योजनेच्या मानधनात वाढ करण्यात आली आहे. त्यामुळे या योजनेत काम करणाऱ्या प्रत्येक विद्यार्थ्याला सरासरी अडीच हजार रुपये महिन्याला मिळणार आहे.

आर्थिक परिस्थिती खडतर असलेल्या विद्यार्थ्यांना शिक्षण घेताना आर्थिक अडचणी येऊ नयेत, या उद्देशाने विद्यापीठाच्या वतीने कर्मवीर भाऊराव पाटील कमवा व शिका योजना चालवण्यात येते. या योजनेचे मानधन २०१४ मध्ये २५ रुपये प्रति तास होते. परंतु, हे मानधन ५० रुपये प्रति तास करण्याबाबत माजी सिनेट सदस्य शिवाजी साबळे यांनी मागणी केली होती. त्यानंतर विद्यापीठाने योजनेचे मानधन ३० रुपये प्रति तास केले होते.

आता पुन्हा विद्यापीठाने ‘कमवा व शिका’ योजनेचे मानधन वाढवण्याचा निर्णय घेतला असून या योजनेत काम करणाऱ्या विद्यार्थ्यांना प्रति तास ४५ रुपये देण्यात येणार आहेत. विद्यार्थ्यांना १ फेब्रुवारी २०१७ पासूनच नवीन मानधनाप्रमाणे पैसे मिळणार आहेत. विद्यार्थ्याला या योजनेत दररोज दोन ते तीन तास काम करता येत असल्यामुळे नवीन मानधनाप्रमाणे प्रत्येकाला सुट्ट्यांचा काळ वगळता २ हजार ३०० ते ४ हजार रुपये महिन्याला मिळणार आहेत. त्यामुळे गरजू विद्यार्थ्यांना त्यांच्या शिक्षणासाठी आर्थिक हातभार
लागणार आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज