नगर : जलयुक्त शिवार अभियानात झालेल्या कामाचे बिल काढण्यासाठी चाळीस हजार रुपयांची लाच घेताना पाथर्डी पंचायत समितीचा अभियंता पंढरीनाथ उत्तमराव आव्हाड (वय ५२, रा. पाथर्डी) याला लाचलुचपत प्रतिबंधक विभागाच्या नगर पथकाने पकडले. याप्रकरणी पाथर्डी तालुक्यातील जांभळी गावच्या सरपंचांच्या पतीने लाचलुचपत प्रतिबंधक विभागाकडे (एसीबी) तक्रार केली होती. त्यानुसार पाथर्डीतील एका चहाच्या टपरीमध्ये तक्रारदाराकडून लाच स्वीकारताना आव्हाड याला पकडण्यात आले आहे. त्याच्याविरुद्ध पाथर्डी पोलिस स्टेशनला गुन्हा नोंदविण्याचे काम सुरू होते. नगरचे पोलिस उपअधीक्षक हरिश खेडकर यांच्या मार्गदर्शनाखाली पोलिस निरीक्षक श्याम पवरे, दीपक करांडे, तन्वीर शेख, सतीष जोशी, प्रशांत जाधव यांच्या पथकाने ही कारवाई केली.
चाळीस हजारांची लाच घेताना अभियंता अटकेत
जलयुक्त शिवार अभियानात झालेल्या कामाचे बिल काढण्यासाठी चाळीस हजार रुपयांची लाच घेताना पाथर्डी पंचायत समितीचा अभियंता पंढरीनाथ उत्तमराव आव्हाड (वय ...
महाराष्ट्र टाइम्स.कॉम 3 Aug 2019, 4:00 am