अहमदनगर:
लष्कराच्या के. के. रेंजच्या हद्दीतून आणलेले बॉम्ब फोडत असताना बॉम्बचा स्फोट होऊन खारे कर्जुने येथील एकाचा मृत्यू झाला आहे. भिवा सहादू गायकवाड (वय ५५) असे मृत्यू झालेल्या व्यक्तीचे नाव असल्याची माहिती एमआयडीसी पोलिस स्टेशनकडून मिळाली.
या गावाजवळ लष्कराचे सराव क्षेत्र आहे. गेल्या काही दिवसांपासून येथे नियमित सराव सुरू आहे. या सरावातील एक बॉम्ब भंगार म्हणून गायकवाड याने चोरून आणला होता. हा बॉम्ब निकामी करत असताना त्याचा स्फोट झाला. त्यात भिवा गायकवाड हा जागीच ठार झाला. स्फोटानंतर ग्रामस्थांनी ही माहिती एमआयडीसी पोलीस ठाण्याला दिली. त्यानंतर पोलिसांनी घटनास्थळी धाव घेतली. त्या ठिकाणी एकाचा मृतदेह पोलिसांना आढळून आला आहे. यात आणखी दोघे जखमी झाले आहेत. स्फोटानंतर जखमी अवस्थेतच हे दोघे घटनास्थळावरून पळून गेले असल्याचा संशय पोलिसांना आहे.
लष्कराच्या के. के. रेंजच्या हद्दीतून आणलेले बॉम्ब फोडत असताना बॉम्बचा स्फोट होऊन खारे कर्जुने येथील एकाचा मृत्यू झाला आहे. भिवा सहादू गायकवाड (वय ५५) असे मृत्यू झालेल्या व्यक्तीचे नाव असल्याची माहिती एमआयडीसी पोलिस स्टेशनकडून मिळाली.
या गावाजवळ लष्कराचे सराव क्षेत्र आहे. गेल्या काही दिवसांपासून येथे नियमित सराव सुरू आहे. या सरावातील एक बॉम्ब भंगार म्हणून गायकवाड याने चोरून आणला होता. हा बॉम्ब निकामी करत असताना त्याचा स्फोट झाला. त्यात भिवा गायकवाड हा जागीच ठार झाला. स्फोटानंतर ग्रामस्थांनी ही माहिती एमआयडीसी पोलीस ठाण्याला दिली. त्यानंतर पोलिसांनी घटनास्थळी धाव घेतली. त्या ठिकाणी एकाचा मृतदेह पोलिसांना आढळून आला आहे. यात आणखी दोघे जखमी झाले आहेत. स्फोटानंतर जखमी अवस्थेतच हे दोघे घटनास्थळावरून पळून गेले असल्याचा संशय पोलिसांना आहे.