नगर : दिव्यांग मतदारांना मतदानासाठी अडचणी येऊ नयेत यासाठी या मतदारांसाठी आवश्यक उपाययोजना कराव्यात अशा सूचना विभागीय उपायुक्त रमेश काळे यांनी दिल्या. याबाबत केंद्रीय निवडणूक आयोगाने आदेश दिले आहेत त्यानुसार कार्यवाही करावी असे या वेळी स्पष्ट करण्यात आले. जिल्हाधिकारी कार्यालयात याबाबत बैठक घेण्यात आली. या वेळी स्वीप समिती सदस्य, दिव्यांग मतदार जागृती समन्वय अधिकारी उपस्थित होते. दिव्यांगांसाठी आवश्यक सुविधा उपलब्ध करण्याच्या सूचना निवडणूक आयोगाने दिल्या आहेत. यासाठी निवडणूक आयोग आग्रही आहे. मतदान केंद्रात पिण्याच्या पाण्याची व्यवस्था, व्हील चेअर्स तसेच मतदान केंद्रात रॅम्पची व्यवस्था करण्याच्या सूचना काळे यांनी दिल्या. आधिकाधिक दिव्यांगांना मतदान करता यावे यासाठी यंत्रणांनी प्रयत्न करावेत असे त्यांनी सांगितले.
'दिव्यांग मतदारांना सुविधा पुरवा'
दिव्यांग मतदारांना मतदानासाठी अडचणी येऊ नयेत यासाठी या मतदारांसाठी आवश्यक उपाययोजना कराव्यात अशा सूचना विभागीय उपायुक्त रमेश काळे यांनी दिल्या...
महाराष्ट्र टाइम्स.कॉम 12 Oct 2019, 4:00 am