म. टा. प्रतिनिधी, नगर छोटा भीम, मोटू-पतलू, डोरेमॉन, चुटकी, झुझु आदी कार्टून्सचे चित्र असेलल्या छत्र्या... कॉलेजच्या मुलींसाठी खास फॅन्सी डिझाइन मधील छत्री.... बाइकस्वारांसाठी विविध प्रकारातील रेनकोट खरेदी करण्यासाठी ग्राहकांची गर्दी होत आहे.
पावसाळा आली की, दरवर्षी छत्री, रेनकोट अशा साहित्यांची खरेदी केली जाते. यंदा जूनच्या पहिल्या आठवड्यातच पावसाने हजेरी लावली होती. या मान्सूनपूर्व पावसाचे आगमन झाल्यानंतर शहरातील बाजारपेठेत ठिकठिकाणी पावसापासून संरक्षण करण्यासाठी उपयोगी असणारे साहित्य म्हणजेच छत्र्या, रेनकोट मोठ्या प्रमाणात विक्रीसाठी आले होते. परंतु जूनच्या पहिल्या आठवड्यानंतर पावसाने विश्रांती घेतल्यामुळे हे साहित्य खरेदी करण्यासाठी ग्राहकांचा अल्प प्रतिसाद मिळाला. मात्र, आता गेल्या आठ दिवसांपासून सातत्याने पाऊस सुरू असल्यामुळे छत्री, रेनकोट खरेदी करण्यासाठी बाजारात गर्दी होत आहे.
बाजारामध्ये देखील विविध रंगांच्या, आकारांच्या छत्र्या व रेनकोट उपलब्ध आहेत. लहान मुलांमध्ये खास करुन फेमस असणारे कार्टून्सचे डिझाइन छत्र्यांमध्ये दिसत असून मोटू-पतलू, छोटा भीम, यांचे चित्र असलेल्या छत्र्यांना बच्चे कंपनीची पसंती आहे. तर, लहान मुलींची पसंती बॉबी डॉलचे चित्र असणाऱ्या छत्रीला आहे. याशिवाय ग्रामीण भागातील ग्राहकांची आजही आठ काडी, बारा काडी, या प्रकारातील छत्र्यांना पसंती आहे. तर, महिलांची पसंती ही टू-फोल्ड, थ्री-फोल्ड पद्धतीच्या छत्र्यांना आहे. बाजार स्टॉल छत्र्यांची देखील मागणी वाढली असून या छत्र्या ५०० ते १ हजार रुपयांमध्ये उपलब्ध होत आहेत. कॉलेजच्या तरुणाईची पसंती मात्र फॅन्सी छत्र्यांना असून या छत्र्या ८५ ते १४० रुपयांना उपलब्ध आहेत.
फॅन्सी व टिकाउ रेनकोटला पसंती
कॉलेजच्या तरुणाईसह नागरिकांची यंदा फॅन्सी व टिकाउ रेनकोटला पसंती असून त्यांच्या किंमतीमध्ये मागील वर्षाच्या तुलनेत १० टक्क्यांनी वाढ झाली आहे. तसेच दोन्ही बाजूने वापरता येणाऱ्या रेनकोटची मागणी देखील कायम आहे. लहान मुलांसाठी कार्टून्सची चित्र असलेली रेनकोट बाजारात उपलब्ध आहेत. तर, शाळेत जाणाऱ्या विद्यार्थ्यांसाठी दप्तरासाठी स्पेशल बॉक्स बनवलेले रेनकोटही बाजारात विक्रीसाठी आले आहेत.
विविध छत्र्यांचे दर
बारा काडी छत्री ः १२० ते १५० रूपये. आठ काडी छत्री ः ८० ते १२०. फोल्डिंग छत्री ः ८५ ते १४०. जम्बो फोल्डिंग छत्री ः १६० ते १७०. थ्री फोल्ड छत्री ः २०० ते २५०. लहान मुलांच्या छत्री ः ४० ते १००. लहान मुलांचे रेनकोट ः १८० ते २५०. फॅन्सी रेनकोट ः २५० ते ६५०.
पावसाळा आली की, दरवर्षी छत्री, रेनकोट अशा साहित्यांची खरेदी केली जाते. यंदा जूनच्या पहिल्या आठवड्यातच पावसाने हजेरी लावली होती. या मान्सूनपूर्व पावसाचे आगमन झाल्यानंतर शहरातील बाजारपेठेत ठिकठिकाणी पावसापासून संरक्षण करण्यासाठी उपयोगी असणारे साहित्य म्हणजेच छत्र्या, रेनकोट मोठ्या प्रमाणात विक्रीसाठी आले होते. परंतु जूनच्या पहिल्या आठवड्यानंतर पावसाने विश्रांती घेतल्यामुळे हे साहित्य खरेदी करण्यासाठी ग्राहकांचा अल्प प्रतिसाद मिळाला. मात्र, आता गेल्या आठ दिवसांपासून सातत्याने पाऊस सुरू असल्यामुळे छत्री, रेनकोट खरेदी करण्यासाठी बाजारात गर्दी होत आहे.
बाजारामध्ये देखील विविध रंगांच्या, आकारांच्या छत्र्या व रेनकोट उपलब्ध आहेत. लहान मुलांमध्ये खास करुन फेमस असणारे कार्टून्सचे डिझाइन छत्र्यांमध्ये दिसत असून मोटू-पतलू, छोटा भीम, यांचे चित्र असलेल्या छत्र्यांना बच्चे कंपनीची पसंती आहे. तर, लहान मुलींची पसंती बॉबी डॉलचे चित्र असणाऱ्या छत्रीला आहे. याशिवाय ग्रामीण भागातील ग्राहकांची आजही आठ काडी, बारा काडी, या प्रकारातील छत्र्यांना पसंती आहे. तर, महिलांची पसंती ही टू-फोल्ड, थ्री-फोल्ड पद्धतीच्या छत्र्यांना आहे. बाजार स्टॉल छत्र्यांची देखील मागणी वाढली असून या छत्र्या ५०० ते १ हजार रुपयांमध्ये उपलब्ध होत आहेत. कॉलेजच्या तरुणाईची पसंती मात्र फॅन्सी छत्र्यांना असून या छत्र्या ८५ ते १४० रुपयांना उपलब्ध आहेत.
फॅन्सी व टिकाउ रेनकोटला पसंती
कॉलेजच्या तरुणाईसह नागरिकांची यंदा फॅन्सी व टिकाउ रेनकोटला पसंती असून त्यांच्या किंमतीमध्ये मागील वर्षाच्या तुलनेत १० टक्क्यांनी वाढ झाली आहे. तसेच दोन्ही बाजूने वापरता येणाऱ्या रेनकोटची मागणी देखील कायम आहे. लहान मुलांसाठी कार्टून्सची चित्र असलेली रेनकोट बाजारात उपलब्ध आहेत. तर, शाळेत जाणाऱ्या विद्यार्थ्यांसाठी दप्तरासाठी स्पेशल बॉक्स बनवलेले रेनकोटही बाजारात विक्रीसाठी आले आहेत.
विविध छत्र्यांचे दर
बारा काडी छत्री ः १२० ते १५० रूपये. आठ काडी छत्री ः ८० ते १२०. फोल्डिंग छत्री ः ८५ ते १४०. जम्बो फोल्डिंग छत्री ः १६० ते १७०. थ्री फोल्ड छत्री ः २०० ते २५०. लहान मुलांच्या छत्री ः ४० ते १००. लहान मुलांचे रेनकोट ः १८० ते २५०. फॅन्सी रेनकोट ः २५० ते ६५०.