तत्वज्ञानाविषयीची भीती दूर व्हावी
नगर : विद्यार्थ्यांमध्ये तत्वज्ञान विषयाची आवड निर्माण व्हावी, विद्यार्थ्यांच्या मनातून तत्वज्ञानाविषयी निर्माण झालेली भीती दूर व्हावी, या दृष्टीकोनातून अभ्यासक्रमात योग्य बदल करावेत, असे मत डॉ. प्रदीप गोखले यांनी व्यक्ता केले. सावित्रीबाई फुले पुणे विद्यापीठ तत्वज्ञान अभ्यास मंडळ, तत्वज्ञान विभाग व न्यू आर्ट्स कॉमर्स अण्ड सायन्स कॉलेजच्या संयुक्त विद्यमाने आयोजित तत्वज्ञान, तर्कशास्त्र, गांधी विचार व एम ए-भाग एक तत्वज्ञान या विषयाच्या पुरर्रचित अभ्यासक्रम कार्यशाळेच्या उद्घाटनप्रसंगी ते बोलत होते. या वेळी न्यू आर्ट्सचे प्रा. आर. जी. कोल्हे अध्यक्षस्थानी होते. प्रत्येक विषय हा विद्यार्थ्यांना समजेल व रुचेल या पातळीवर शिकविला जावा, असे मत कोल्हे यांनी व्यक्त केले. या वेळी तत्वज्ञान अभ्यास मंडळाचे समन्वयक डॉ. श्रीनिवास हेमाडे, विद्याशाखा सदस्य डॉ. सुनील भोईटे, डॉ. श्रीधर आकाशकर, डॉ. विजय शेडगे, प्रा. मनोज पाटील, प्रा. मिलिंद नरवडे, प्रा. प्रदीपकुमार माने उपस्थित होते.
चंदे, तागडे यांची निवड
नगर : पंडित दीनदयाळ पतसंस्थेच्या व्याख्यानमाला समितीच्या झालेल्या बैठकीत पतसंस्थेच्या संचालकपदी नकुल चंदे यांची तर सल्लागारपदी धनंजय तागडे व नीलेश लोढा यांची निवड करण्यात आली. या वेळी पतसंस्थेचे संस्थापक चेअरमन वसंत लोढा, सचिव विकास पाथरकर, जेष्ठ नेते मधुसूदन मुळे, जागरूक नागरिक मंचाचे अध्यक्ष सुहास मुळे, जैन सोशल फाउंडेशनचे उमेस बोरा, शारदा होसिंग, कैलाश दळवी, तुषार पोटे, उमेश साठे, गौतम कराळे उपस्थित होते.
दिंडीचे स्वागत
नगर : औरंगाबाद जिल्ह्यातील देवगिरी दिंडीचे भिंगारमध्ये शुक्रवारी आगमन झाले. या दिंडीचे स्वागत राष्ट्रवादी काँग्रेसच्या वतीने करण्यात आले. आमदार संग्राम जगताप यांच्या हस्ते पादुकांचे पूजन करुन, दिंडीतील मुरारी महाराज यांचा सत्कार करण्यात आला. त्याचबरोबर भिंगार हायस्कूल, रयत शिक्षण संस्थेचे अॅबट विद्यालय, छावणी परिषदेचे डॉ. बाबासाहेब आंबेडकर विद्यालयातील दहावीतील व बारावीतील गुणवंत विद्यार्थ्यांना शैक्षणिक साहित्य देऊन गौरव करण्यात आला. या वेळी माजी महापौर अभिषेक कळमकर, नगरसेवक गणेश भोसले, प्रकाश भागानगरे, अविनाश घुले, राष्ट्रवादीचे माजी शहर जिल्हाध्यक्ष प्रा. माणिक विधाते उपस्थित होते.
व्यसनमुक्तीसाठी जागृती
नगरः नगर तालुक्यातील निमगाव वाघा येथे नेहरु युवा केंद्र व किसनराव डोंगरे बहुउद्देशीय संस्था, श्री नवनाथ युवा मंडळ तसेच नवनाथ विद्यालयाच्या संयुक्त विद्यमाने राजर्षी छत्रपती शाहू महाराज यांची जयंती साजरी करण्यात आली. तसेच जागतिक अंमली पदार्थविरोधी दिनानिमित्त विद्यार्थ्यांना व्यसनमुक्तीची शपथ देण्यात आली. व्यसनाचे दुष्परिणाम दर्शविणारे पोस्टर प्रदर्शन नवनाथ विद्यालयात लावण्यात आले होते. या वेळी मुख्याध्यापक किसन वाबळे, डोंगरे संस्थेचे अध्यक्ष नाना डोंगरे, काशीनाथ पळसकर, भागचंद जाधव, निळकंठ वाघमारे आदी उपस्थित होते.
वह्यांचे वाटप
नगर : नगरमधील सर्जेपुरा येथील दक्षिणमुखी हनुमान मंदिराच्या सत्संग मंडळातर्फे रिमांडहोममधील मुलांना वह्या व पेनचे वाटप करण्यात आले. शहरामध्ये महिनाभर ४० ठिकाणी हनुमान चालिसा पाठ कार्यक्रमाचे आयोजन करण्यात आले होते. त्यावेळी संयोजकांनी गरजू विद्यार्थ्यांना मदत म्हणून वह्या देण्याचे आवाहन केले होते. या आवाहनास प्रतिसाद देत अनेकांनी वह्या दिल्या होत्या. या वह्या रिमांडहोम मधील गरजू विद्यार्थ्यांना देण्यात आल्या आहेत. या वेळी सुधाकर देवतरसे यांनी दक्षिणमुखी हनुमान सत्संग मंडळ करत असलेल्या कार्याचीही माहिती दिली. या वेळी मंदिराचे पुजारी कन्हैया परदेशी,सत्संग मंडळाचे रमेश शहाणे, लक्ष्मीकांत हेडा, सुधीर लखारा, संजय भंडारी, ज्ञानदेव अडागळे, कारण निस्ताने, अजय मिश्रा, रौनक धुप्पड, सुभाष ठाकूर उपस्थित होते.
गुणवंतांचा सत्कार
नगरः शनिचौकातील स्वामी विवेकानंद मित्रमंडळाच्या वतीने भाजपचे ज्येष्ठ नेते सुनील रामदासी यांच्या वाढदिवसानिमित्त अभिष्टचिंतन सोहळ्याचे आयोजन करण्यात आले होते. या सोहळ्यात दहावी व बारावीमधील गुणवंत विद्यार्थ्यांचा सत्कार करण्यात आला. या वेळी मनपाचे माजी सभापती नरेंद्र कुलकर्णी, नगरसेवक भैया गंधे, गिरीश मुळे, आशिष खेले, योगेश रेखी, दीपक दंडनाईक, गायत्री कुलकर्णी, सुषमा कुलकर्णी उपस्थित होते.