नगर : नगर-करमाळा रस्त्याच्या निर्मितीसाठी विनापरवाना गौणखनिजचे उत्खनन केल्याप्रकरणी अशोका बिल्डकॉन, पुणे या कंपनीला सहा कोटी ५९ लाखांचा दंड जिल्हा प्रशासनाने केला आहे. या कंपनीने बेकायदेशीरपणे गौणखनिज उत्खनन करून प्रशासनाचा महसूल बुडविल्याची तक्रार येथील सन्माननीय नागरिक प्रतिष्ठानचे अध्यक्ष प्रमोद मोहोळे यांनी चार वर्षांपूर्वी केली होती. नगर-करमाळा हा रस्ता अशोका बिल्डकॉन कंपनीने बीओटी तत्वावर निर्माण केला होता. १९९९ ते २००५ या दरम्यान या रस्ता निर्माण केला होता. या कंपनीने सुमारे दोन लाख ६५ हजार ब्रास दगड, मुरुम, मातीचे उत्खनन करून रस्त्यासाठी वापरली होती. त्यात काही परवाने घेतले होते. तर काही उत्खनन विनापरवाना केले होते. या कंपनीला कंत्राट देताना गौणखनिजची रॉयल्टी प्रशासनाला द्यावी, अशी अट घालण्यात आली होती. परंतु रॉयल्टी प्रशासनाकडे भरली नाही, अशी तक्रार मोहोळे यांनी २०१२ मध्ये प्रशासनाकडे केली होती. त्या कालावधीत चौकशी होऊन निर्णय झाला नाही. आता अप्पर जिल्हाधिकारी भानुदास पालवे यांनी चौकशी करून सुनावणी घेऊन हा आदेश दिला आहे. त्यानुसार या कंपनीला सहा कोटी ५९ लाख रुपयांचा दंड प्रशासनाकडे महिन्याभरांत जमा करायचा आहे.
अशोका बिल्डकॉनला साडेसहा कोटींचा दंड
नगर-करमाळा रस्त्याच्या निर्मितीसाठी विनापरवाना गौणखनिजचे उत्खनन केल्याप्रकरणी अशोका बिल्डकॉन, पुणे या कंपनीला सहा कोटी ५९ लाखांचा दंड जिल्हा प्रशासनाने केला आहे.
Maharashtra Times 26 Oct 2016, 3:00 am