म. टा. प्रतिनिधी, नगर
मध्यप्रदेश राज्यातील इंदौर येथे तरुणाचा खून करून शिर्डी येथे पळून आलेल्या पाच आरोपींना शिर्डी पोलिसांनी पकडले. या आरोपींना इंदौर पोलिसांच्या ताब्यात देण्यात आले आहे.
९ नोव्हेंबर रोजी अचेस अनिल राव (रा. छत्रीबार इंदौर) या तरुणाची हत्या झाली होती. याप्रकरणी गुन्हा नोंदविण्यात आल्यानंतर आरोपी शिर्डी येथे लपण्यासाठी येत असल्याची माहिती मध्यप्रदेश पोलिसांकडून शिर्डी पोलिसांनी मिळाली होती. त्यानुसार शिर्डीचे पोलिस उपनिरीक्षक अशोक खरात, मंदिर सुरक्षाचे पोलिस उपनिरीक्षक संदीप कहाळे, पोलिस नाईक किरण कुरहे यांनी शिर्डी बसस्थानकावर सापळा लावून आरोपी प्रणव प्रवीण तिवारी, नितीन नरेंद्र वाल्हेकर, ऋतिक शाम वाघमारे, हर्ष अनिल मतकर, यश रमेश शर्मा (रा. इंदोर) यांना पकडण्यात आले. आरोपींनी गुन्ह्याची कबुली दिल्यानंतर इंदोर पोलिसांशी संपर्क साधून आरोपींना त्यांच्या ताब्यात देण्यात आले.