म. टा. प्रतिनिधी, नगर
मारहाणीच्या वादातून नातेवाइकाचा खून केल्याप्रकरणात पारनेर तालुक्यातील वाफारेवाडी येथील पाच जणांना जन्मठेप व आठ हजार रुपयांचा दंड अशी, शिक्षा ठोठाविण्यात आली. जिल्हा व सत्र न्यायाधीश व्ही. जी. मोहिते यांनी हा निकाल दिला.
बाळशीराम भागाजी वाफारे, भागाजी शिवराम वाफारे, ज्ञानदेव सोन्याबापू वाफारे, संतोष किसन वाफारे व नंदाबाई बाळशीराम वाफारे (रा. वाफरेवाडी, पारनेर) असे शिक्षा झालेल्या आरोपींची नावे आहेत. तर या गुन्ह्यातील चार आरोपींची पुराव्याअभावी निर्दोष मुक्तता करण्यात आली. आरोपींनी नातेवाइक असलेल्या बाबाजी चिमाजी हुलावळे यांचा खून केला होता. ३१ ऑक्टोबर २००६ रोजी आर्थिक कारणावरून हुलावळे यांचे कुटुंब व आरोपीमध्ये वाद झाला होता. त्या वादातून फिर्यादीच्या मुलाला मारहाण झाली होती. हा वाद मिटविण्यासाठी बैठक घ्यायची म्हणून आरोपी हे हुलावळे यांच्या घरी आले होते. त्यातून आणखी वाद झाल्यानंतर आरोपींनी लाकडाने बाबाजी चिमाजी हुलावळे व त्यांच्या कुटुंबाला मारहाण केली होती. गंभीर जखमी झालेल्या बाबाजी हुलावळे यांचा उपचारादरम्यान मृत्यू झाला होता. याप्रकरणी हुलावळे यांची पत्नी जीजाबाई हिच्या फिर्यादीवरून आरोपींविरुद्ध पोलिस स्टेशनला खुनाचा गुन्हा दाखल झाला होता. या गुन्ह्याचा तपास करून आरोपीविरुद्ध दोषारोपपपत्र दाखल करण्यात आले होते.
या गुन्ह्यात सरकारी पक्षाच्या वतीने अतिरिक्त सरकारी अभियोक्ता अनिल घोडके यांनी अकरा साक्षीदार तपासले. सरकारी पक्षाकडून आलेल्या पुरावा व युक्तीवाद ग्राह्य धरून आरोपींना शिक्षा सुनाविण्यात आली. आरोपी भागाजी वाफारे यांचा वयाचा विचार करून जन्मठेपेची शिक्षा सुनावण्यात आली.
मारहाणीच्या वादातून नातेवाइकाचा खून केल्याप्रकरणात पारनेर तालुक्यातील वाफारेवाडी येथील पाच जणांना जन्मठेप व आठ हजार रुपयांचा दंड अशी, शिक्षा ठोठाविण्यात आली. जिल्हा व सत्र न्यायाधीश व्ही. जी. मोहिते यांनी हा निकाल दिला.
बाळशीराम भागाजी वाफारे, भागाजी शिवराम वाफारे, ज्ञानदेव सोन्याबापू वाफारे, संतोष किसन वाफारे व नंदाबाई बाळशीराम वाफारे (रा. वाफरेवाडी, पारनेर) असे शिक्षा झालेल्या आरोपींची नावे आहेत. तर या गुन्ह्यातील चार आरोपींची पुराव्याअभावी निर्दोष मुक्तता करण्यात आली. आरोपींनी नातेवाइक असलेल्या बाबाजी चिमाजी हुलावळे यांचा खून केला होता. ३१ ऑक्टोबर २००६ रोजी आर्थिक कारणावरून हुलावळे यांचे कुटुंब व आरोपीमध्ये वाद झाला होता. त्या वादातून फिर्यादीच्या मुलाला मारहाण झाली होती. हा वाद मिटविण्यासाठी बैठक घ्यायची म्हणून आरोपी हे हुलावळे यांच्या घरी आले होते. त्यातून आणखी वाद झाल्यानंतर आरोपींनी लाकडाने बाबाजी चिमाजी हुलावळे व त्यांच्या कुटुंबाला मारहाण केली होती. गंभीर जखमी झालेल्या बाबाजी हुलावळे यांचा उपचारादरम्यान मृत्यू झाला होता. याप्रकरणी हुलावळे यांची पत्नी जीजाबाई हिच्या फिर्यादीवरून आरोपींविरुद्ध पोलिस स्टेशनला खुनाचा गुन्हा दाखल झाला होता. या गुन्ह्याचा तपास करून आरोपीविरुद्ध दोषारोपपपत्र दाखल करण्यात आले होते.
या गुन्ह्यात सरकारी पक्षाच्या वतीने अतिरिक्त सरकारी अभियोक्ता अनिल घोडके यांनी अकरा साक्षीदार तपासले. सरकारी पक्षाकडून आलेल्या पुरावा व युक्तीवाद ग्राह्य धरून आरोपींना शिक्षा सुनाविण्यात आली. आरोपी भागाजी वाफारे यांचा वयाचा विचार करून जन्मठेपेची शिक्षा सुनावण्यात आली.