आनंदऋषीजी हॉस्पिटलमध्ये मोफत आरोग्य तपासणी

म. टा. प्रतिनिधी, नगर

जैनमुनी आचार्यश्री आनंदऋषीजी महाराज यांच्या २४व्या स्मृतीदिनानिमित्त येथील आनंदऋषीजी हॉस्पिटलमध्ये येत्या १४ ते ३० मार्चदरम्यान मोफत आरोग्य तपासणी शिबिरे होणार आहेत. लायन्स क्लब सेवायात्रीच्या सहकार्याने रोज सकाळी १० ते दुपारी २ या वेळेत होणाऱ्या या शिबिरात रुग्णांवर सवलतीच्या दरात विविध शस्त्रक्रिया करण्यात येणार आहेत.
सोमवारी (१४ मार्च) डॉ. सतीश सोनवणे, डॉ. अमित पाटील कॅन्सर तपासणी करणार आहेत. मंगळवारी (१५ मार्च) डॉ. प्रवीण मुनोत, डॉ. विवेक भापकर यांच्या मार्गदर्शनाखाली हार्निया, हायड्रोसिल, पोटाचे विकार, अॅपेंडिक्स व पित्ताशय शस्त्रक्रिया शिबिर होणार आहे. १६ रोजी किडनी आजार तपासणी शिबिरात डॉ. भुपेशकुमार कवारे व डॉ. विक्रम आगलावे रुग्णांची तपासणी करणार आहेत. १७ रोजी डॉ. प्रशांत पटारे व डॉ. अखिल धानोरकर यांचे अस्थीरोग तपासणी, मणके व सांधेबदली शस्त्रक्रिया शिबिर होणार असून याच दिवशी डॉ. आशिष रानडे यांच्या उपस्थितीत लहान मुलांसाठी अस्थिव्यंग तपासणी शिबिर होणार आहे.
१८ रोजी डॉ. निलोफर धानोरकर, डॉ. रवींद्र मुथा यांचे स्त्रीरोग, गर्भवती महिला आरोग्य तपासणी, १९ रोजी बालरोग तपासणी, २० रोजी डॉ. संदीप तडस व डॉ. स्वप्नील कर्णे यांचे हृदयरोग तपासणी, २१ रोजी डॉ. संदीप राणे, डॉ. वर्धमान कांकरिया, डॉ. श्रुतिका कांकरिया यांचे नेत्रतपासणी शिबिर, २२ रोजी मेंदू, मणके व मज्जारज्जू तपासणी डॉ. तनय सोलापूरकर व डॉ. प्रवीण जैन करणार आहेत. २३ रोजी होमिओपॅथी शिबिर, २४ रोजी कान-नाक-घसा तपासणी शिबिर, २५ रोजी आयुर्वेद तपासणी व उपचार शिबिर, २९ रोजी दंतरोग तपासणी व चिकित्सा शिबिर होणार आहे. समारोप ३० मार्च रोजी मधुमेह व उच्च रक्तदाब तपासणी व चिकित्सा शिबिराने होणार आहे. संपर्क ः ०२४१-२३२०४७३ ते ७६.