पाथर्डी : स्वाभिमानी शेतकरी संघटनेने पुकारलेल्या आंदोलनाचे पडसाद दुसऱ्या दिवशी (मंगळवार) तालुक्यात उमटले. काही कार्यकर्त्यांनी तहसील कार्यालयात जाऊन तेथे आलेल्या नागरिक व कर्मचाऱ्यांना मोफत दूध वाटप करून सरकारचा निषेध केला. स्वाभिमानी शेतकरी संघटनेने दुधाला दरवाढ मिळावी यासाठी सोमवारीआंदोलन सुरू केल्यानंतर पोलिसांनी स्वाभिमानीचे तालुकाध्यक्ष शरद मरकड व बाबासाहेब बुधवंत यांना अटक करून सायंकाळी न्यायालयासमोर उभे केले असता न्यायालयाने त्यांची जमिनीवर सुटका केली. मंगळवारी आपचे तालुका समनव्यक किसन आव्हाड, सुनील पाखरे, संदीप भडके, नागनाथ गर्जे, प्रवीण बळीद, विकास नागरगोजे, उदय सानप, अमीर शेख, प्रमोद आंधळे आदी कार्यकर्ते तहसील कार्यालयात गेले व तेथे आलेल्या नागरिक व कार्यालयातील कर्मचारी तसेच अधिकाऱ्यांना मोफत दुधाचे वाटप केले. सरकारच्या निषेधाच्या घोषणा देत दुधाला दरवाढ द्यावी, अशी मागणी तहसीलदार नामदेव पाटील यांना एक निवेदन देऊन केली. दरम्यान सोमवारी तालुक्यातील सर्व दूध संकलन केंद्रे बंद ठेवण्यात आली होती.
तहसील कार्यालयात मोफत दूध वाटपम. टा. वृत्तसेवा पाथर्डी दि.
स्वाभिमानी शेतकरी संघटनेने पुकारलेल्या आंदोलनाचे पडसाद दुसऱ्या दिवशी (मंगळवार) तालुक्यात उमटले...
Maharashtra Times 18 Jul 2018, 4:00 am