म. टा. प्रतिनिधी, नगर
राज्यातील बसस्थानकांचे आधुनिकीकरण तसेच बांधकाम करण्यासाठी राज्य सरकारने निधी मंजूर केला आहे. बसस्थानकांच्या आधुनिकीकरणासाठी ४० कोटी रुपये निधी उपलब्ध करून देण्यात येणार आहे. या निधीतून राज्यातील बसस्थानकांतील रखडलेली कामे मार्गी लागणार आहेत.
राज्य परिवहन महामंडळाच्या बस राज्याच्या कानाकोपऱ्यात पोहोचल्या आहेत. गावात रस्ता नसला तरीदेखील येथे एसटी मात्र जाते. राज्यातील दुर्गम भागातही एसटी बस जाते. राज्यभरात बससेवा सुरू असल्याने ठिकठिकाणी बसस्थानके उभारण्यात आली आहेत. या बसस्थानकांवर प्रवाशांची गर्दी असते. महामंडळाकडून या बसस्थानकात मुलभूत सुविधा उपलब्ध करून दिल्या जातात. बसस्थानकांचे बांधकाम तसेच आधुनिकीकरणासाठी कोट्यवधी रुपये खर्च करण्यात येतात. राज्यातील बसस्थानकांसाठी या वेळी राज्य सरकारकडून अनुदान देण्यात येणार आहे. बसस्थानकांचे आधुनिकीकरण करणे तसेच बांधकाम करणे यासाठी ४० कोटी निधी मंजूर करण्यात आला आहे. गृह विभागाने याबाबत आदेश काढला आहे. या आदेशान्वये महामंडळास निधी उपलब्ध होणार आहे. हा निधी कोणत्या विभागास दिला जाणार याबाबत मात्र स्पष्ट सूचना आदेशात नाहीत. राज्यातील बसस्थानकांचे आधुनिकीकरण, बांधकाम, विस्तारीकरण, दर्जावाढ या योजनेंतर्गत निधी तरतूद करण्यात आल्याचे सांगण्यात आले आहे. त्यामुळे राज्यातील कोणत्या विभागातील बसस्थानकांसाठी निधी दिला जाणार आहे याबाबत सूचना नाहीत.
राज्यातील बसस्थानकांचे आधुनिकीकरण तसेच बांधकाम करण्यासाठी राज्य सरकारने निधी मंजूर केला आहे. बसस्थानकांच्या आधुनिकीकरणासाठी ४० कोटी रुपये निधी उपलब्ध करून देण्यात येणार आहे. या निधीतून राज्यातील बसस्थानकांतील रखडलेली कामे मार्गी लागणार आहेत.
राज्य परिवहन महामंडळाच्या बस राज्याच्या कानाकोपऱ्यात पोहोचल्या आहेत. गावात रस्ता नसला तरीदेखील येथे एसटी मात्र जाते. राज्यातील दुर्गम भागातही एसटी बस जाते. राज्यभरात बससेवा सुरू असल्याने ठिकठिकाणी बसस्थानके उभारण्यात आली आहेत. या बसस्थानकांवर प्रवाशांची गर्दी असते. महामंडळाकडून या बसस्थानकात मुलभूत सुविधा उपलब्ध करून दिल्या जातात. बसस्थानकांचे बांधकाम तसेच आधुनिकीकरणासाठी कोट्यवधी रुपये खर्च करण्यात येतात. राज्यातील बसस्थानकांसाठी या वेळी राज्य सरकारकडून अनुदान देण्यात येणार आहे. बसस्थानकांचे आधुनिकीकरण करणे तसेच बांधकाम करणे यासाठी ४० कोटी निधी मंजूर करण्यात आला आहे. गृह विभागाने याबाबत आदेश काढला आहे. या आदेशान्वये महामंडळास निधी उपलब्ध होणार आहे. हा निधी कोणत्या विभागास दिला जाणार याबाबत मात्र स्पष्ट सूचना आदेशात नाहीत. राज्यातील बसस्थानकांचे आधुनिकीकरण, बांधकाम, विस्तारीकरण, दर्जावाढ या योजनेंतर्गत निधी तरतूद करण्यात आल्याचे सांगण्यात आले आहे. त्यामुळे राज्यातील कोणत्या विभागातील बसस्थानकांसाठी निधी दिला जाणार आहे याबाबत सूचना नाहीत.