दुसऱ्या दिवशीही कचराकोंडी कायम
म. टा. प्रतिनिधी, नगर
सावेडी कचरा डेपोकडे जाणारी कचरा वाहतुकीची वाहने राष्ट्रवादी काँग्रेसने रोखल्याने मंगळवारी (२० मार्च) दुसऱ्या दिवशीही नगरमध्ये कचरा कोंडीची स्थिती होती. आयुक्त घनश्याम मंगळे यांनी राष्ट्रवादीच्या आंदोलकांशी चर्चा करूनही मार्ग निघाला नसल्याने अखेर पोलिस बंदोबस्तात कचरा वाहने सावेडी कचरा डेपोवर पाठविण्याचे ठरवले गेले. मंगळे यांनी पोलिस अधीक्षक रंजनकुमार शर्मा यांच्याकडे पोलिस बंदोबस्ताची मागणी केली असून, त्यांनी सकारात्मक प्रतिसाद दिला आहे.
सावेडी कचरा डेपोत टाकल्या जाणाऱ्या कचऱ्याची परिसरात दुर्गंधी येत असल्याने हा कचरा डेपो येथून हलविण्याच्या मागणीसाठी राष्ट्रवादीचे नगरसेवक कुमार वाकळे व संपत बारस्कर यांनी सावेडी डेपोकडे मनपाचे एकही कचरा वाहतुकीचे वाहन मागील दोन दिवसांपासून जाऊ दिलेले नाही. त्यामुळे मनपाच्या कचरा गाड्यांतून कचरा साठून आहे; तसेच शहरातही अनेक ठिकाणी कचराकुंड्या भरभरून वाहत आहेत. या पार्श्वभूमीवर महापौर सुरेखा कदम व आयुक्त मंगळे यांची मंगळवारी चर्चा झाली. आंदोलक वाकळे व बारस्कर यांच्याशीही मंगळे यांनी चर्चा केली. सावेडी कचरा डेपोला नवी जागा देण्यासाठी शासनाकडे प्रस्ताव पाठविण्याची ग्वाही त्यांनी दिली तसेच सावेडी डेपोमध्ये अविघटनशील कचरा डम्प करण्यासाठी लँडफिल्ड साईट विकसित करण्याचे काम तातडीने सुरू करणार असल्याचेही सांगितले. पण सावेडी कचरा डेपो बंदच करण्याच्या मागणीवर आंदोलक ठाम होते. अखेर पोलिस बंदोबस्तात सावेडी डेपोवर कचरा नेण्याचे प्रशासनाने ठरवले आहे. बुधवारपासून असा बंदोबस्त घेतला जाणार असल्याचे सांगण्यात आले.
बससेवेची चिंता वेगळीच
शहर बससेवा यशवंत ऑटो संस्थेने मंगळवारपासून बंद केल्याने मनपा सत्ताधारी व प्रशासन नव्या पेचात सापडले आहे. कचरा वाहतूक गाड्या बंद झाल्यानंतर शहर बससेवाही बंद झाल्याने यातून मार्ग काढण्याची खलबते सुरू होती. शहर बससेवेला सेनेअंतर्गत राजकारणाचा फटका बसल्याने नेमके काय करावे, याची चर्चा सुरू होती. मात्र, थकीत ८० लाख रुपये मिळाल्याशिवाय बससेवा पुन्हा सुरू न करण्यावर यशवंत ऑटो संस्था ठाम असल्याचे सांगण्यात आले.
म. टा. प्रतिनिधी, नगर
सावेडी कचरा डेपोकडे जाणारी कचरा वाहतुकीची वाहने राष्ट्रवादी काँग्रेसने रोखल्याने मंगळवारी (२० मार्च) दुसऱ्या दिवशीही नगरमध्ये कचरा कोंडीची स्थिती होती. आयुक्त घनश्याम मंगळे यांनी राष्ट्रवादीच्या आंदोलकांशी चर्चा करूनही मार्ग निघाला नसल्याने अखेर पोलिस बंदोबस्तात कचरा वाहने सावेडी कचरा डेपोवर पाठविण्याचे ठरवले गेले. मंगळे यांनी पोलिस अधीक्षक रंजनकुमार शर्मा यांच्याकडे पोलिस बंदोबस्ताची मागणी केली असून, त्यांनी सकारात्मक प्रतिसाद दिला आहे.
सावेडी कचरा डेपोत टाकल्या जाणाऱ्या कचऱ्याची परिसरात दुर्गंधी येत असल्याने हा कचरा डेपो येथून हलविण्याच्या मागणीसाठी राष्ट्रवादीचे नगरसेवक कुमार वाकळे व संपत बारस्कर यांनी सावेडी डेपोकडे मनपाचे एकही कचरा वाहतुकीचे वाहन मागील दोन दिवसांपासून जाऊ दिलेले नाही. त्यामुळे मनपाच्या कचरा गाड्यांतून कचरा साठून आहे; तसेच शहरातही अनेक ठिकाणी कचराकुंड्या भरभरून वाहत आहेत. या पार्श्वभूमीवर महापौर सुरेखा कदम व आयुक्त मंगळे यांची मंगळवारी चर्चा झाली. आंदोलक वाकळे व बारस्कर यांच्याशीही मंगळे यांनी चर्चा केली. सावेडी कचरा डेपोला नवी जागा देण्यासाठी शासनाकडे प्रस्ताव पाठविण्याची ग्वाही त्यांनी दिली तसेच सावेडी डेपोमध्ये अविघटनशील कचरा डम्प करण्यासाठी लँडफिल्ड साईट विकसित करण्याचे काम तातडीने सुरू करणार असल्याचेही सांगितले. पण सावेडी कचरा डेपो बंदच करण्याच्या मागणीवर आंदोलक ठाम होते. अखेर पोलिस बंदोबस्तात सावेडी डेपोवर कचरा नेण्याचे प्रशासनाने ठरवले आहे. बुधवारपासून असा बंदोबस्त घेतला जाणार असल्याचे सांगण्यात आले.
बससेवेची चिंता वेगळीच
शहर बससेवा यशवंत ऑटो संस्थेने मंगळवारपासून बंद केल्याने मनपा सत्ताधारी व प्रशासन नव्या पेचात सापडले आहे. कचरा वाहतूक गाड्या बंद झाल्यानंतर शहर बससेवाही बंद झाल्याने यातून मार्ग काढण्याची खलबते सुरू होती. शहर बससेवेला सेनेअंतर्गत राजकारणाचा फटका बसल्याने नेमके काय करावे, याची चर्चा सुरू होती. मात्र, थकीत ८० लाख रुपये मिळाल्याशिवाय बससेवा पुन्हा सुरू न करण्यावर यशवंत ऑटो संस्था ठाम असल्याचे सांगण्यात आले.