गुरुजी बिनपगारी

नगर : जिल्ह्यातील प्राथमिक शिक्षकांचे जून व जुलै या दोन महिन्यांचे पगार थकले आहेत. दोन महिन्यांपासून पगार नसल्याने शिक्षकांच्या अडचणी वाढल्या आहेत. त्यामुळे प्रशासनाने याबाबत दखल घेऊन जून, जुलै आणि ऑगस्ट या तीन महिन्यांचे पगार चार सप्टेंबरपर्यंत करावेत, अशी मागणी शिक्षकांनी केली आहे. शिक्षण विभागाने मुदतीत पगार न केल्यास पाच सप्टेंबरच्या जिल्हा शिक्षक पुरस्काराच्या कार्यक्रमावर बहिष्कार टाकण्याचा इशारा देण्यात आला आहे. याबाबत शिक्षक संघटनांच्या समन्वय समितीने शिक्षण विभागास निवेदन दिले.