तुमच्या काळात सरसकट मदत कधी दिली, मुश्रीफांचा फडणवीसांवर हल्लाबोल

म.टा.प्रतिनिधी, नगर: 'राज्यातील विरोधी पक्षाने शपथ घेऊन सांगावी की, त्यांनी त्यांच्या काळात सरसकट मदत कधी दिली,' असे आव्हानच ग्राम विकास मंत्री तथा नगर जिल्ह्याचे पालकमंत्री हसन मुश्रीफ यांनी भाजपला दिले आहे. 'अनेक वर्ष आम्ही राज्याचा कारभार केला आहे. जनतेला कशी मदत मिळवून द्यायची ते आम्हाला चांगलं माहित आहे. त्यांची नाळ आमच्या सोबत जोडली गेली आहे,' असा टोलाही त्यांनी यावेळी लगावला.

नगर जिल्ह्यामध्ये अतिवृष्टीमुळे नुकसान झालेल्या पाथर्डी व शेवगाव तालुक्यातील भागाची मुश्रीफ हे पाहणी करीत आहे. यावेळी त्यांनी पत्रकारांशी बोलताना विरोधी पक्षावर तोफ डागली. शेतकऱ्यांना सरकारकडून कोणतीही मदत मिळत नाही , अशी टीका विरोधक करत आहे, असे त्यांना विचारले असता मुश्रीफ म्हणाले, 'मागील सरकारने शपथ घेऊन सांगावे की त्यांनी त्यांच्या काळात सरसकट मदत कधी दिली होती. पंचनामे केल्याशिवाय ही मदत देता येत नाही. पंचनामे केल्याशिवाय सरकारला किती मदत द्यायच? याचे आकलन होत नाही. केंद्र सरकारचा सुद्धा आग्रह असतो , पंचनामे करावे,' असं त्यांनी सांगितलं.

कांद्यानं आणलं ग्राहकांच्या डोळ्यात पाणी; मुंबई, पुण्यात भाव कडाडले

'गेल्या वर्षी कोल्हापूरला महापूर आला तेव्हा सहा दिवसांनी फडणवीस आले होते. ते मुख्यमंत्री होते. त्यावेळेस सांगलीत कोल्हापुरात त्यांची हुरे उडवली होती. पुढे निवडणुकीमध्ये भाजपची एकही जागा कोल्हापूर जिल्ह्यात निवडून आली नाही. भाजपचे प्रदेशाध्यक्ष चंद्रकांत पाटील यांना स्वतः कोथरूडला जाऊन उभे राहावे लागले. आता आम्ही काय करावं, हे त्यांनी आम्हाला सांगण्याची आवश्यकता नाहीये. अनेक वर्षे आम्ही राज्याचा कारभार केला आहे. आमच्यासोबत जनतेची नाळ जोडली गेली आहे. त्यामुळे जनतेला कशी मदत मिळवून द्यायची, हे आम्हाला कळते.'

यशोमती ठाकूर यांना 'त्या' प्रकरणी दिलासा; शिक्षेला उच्च न्यायालयाची स्थगिती

मुंबई पोलिसांचे पगार आता HDFC बँकेतून; 'या' सुविधा मिळणार