अहमदनगरमध्ये अवकाळी पाऊस; नागरिकांची तारांबळ

अहमदनगर: नगर शहर व सावेडी उपनगराच्या परिसरात आज दुपारी वादळी वाऱ्यासह अवकाळी पावसाने हजेरी लावली. अचानक सुरू झालेल्या या पावसामुळे लॉकडाउनच्या काळात कामानिमित्त घराबाहेर पडलेल्या नागरिकांची तारांबळ उडाली. जवळपास दीड तास पाऊस सुरू होता.

नगर शहर आणि परिसरात आज दुपारी जोरदार पाऊस झाला. गुरुवारी सकाळपासूनच उकाडा जाणवत होता. दुपारी अडीचच्या सुमारास मात्र वादळी वाऱ्यासह पाऊस सुरू झाला. सध्या लॉकडाउन सुरू असल्यामुळे रस्त्यावर वर्दळ कमी आहे. मात्र, किराणा, औषधे, भाजीपाला आणण्यासाठी घराबाहेर पडलेले नागरिक, अत्यावश्यक सेवेमध्ये काम करणाऱ्या नागरिकांची अचानक सुरू झालेल्या पावसामुळे धावपळ उडाली. रस्त्याच्या कडेला बसलेल्या भाजीपाला विक्रेत्यांचे हाल झाले. जवळपास दीड तास सुरू असणाऱ्या या पावसामुळे शहरातील माळीवाडा, पटवर्धन चौक, मार्केट यार्ड, सर्जेपुरा, सावेडीतील कुष्ठधाम रोड, पाइपलाइन रोड अशा बहुतांश भागात पाणी साचले होते. त्यामुळे वाहने चालवताना चालकांना कसरत करावी लागत होती. या पावसामुळे शहरात दोन ते तीन ठिकाणी पत्र्याचे शेड पडल्याच्या घडना घडल्या आहेत. स्वास्तिक चौकातील एका हॉटेलची संरक्षक भिंत कोसळली. त्यामुळं नुकसान झाले. मार्केटयार्ड परिसरात सुद्धा एक पत्र्याचे शेड पडले आहे.

नगरमध्ये धोका वाढतोय; दिवसभरात करोनाचे सहा नवे रुग्ण

‘मिशन राहत’मुळे श्रमिकांची घरवापसी सुसह्य

आम्ही पुन्हा येऊ; गावाकडे परतताना परप्रांतीय झाले भावूक