शिंगणापूर ग्रामस्थांच्या वतीने मुख्यमंत्र्यांचा सत्कार
नेवासे : शनी शिंगणापूर देवस्थान सरकारने ताब्यात घेतल्याबद्दल शिंगणापूर ग्रामपंचायतीच्या वतीने मुख्यमंत्री देवेंद्र फडणवीस यांचा मुंबई येथे सत्कार केला.
शनी शिंगणापूर देवस्थान ट्रस्ट हे आमदार गडाखांच्या प्रभावाखालील विश्वस्त मंडळाच्या ताब्यात होते. त्यामुळे सदरचे देवस्थान शासनाने ताब्यात घेतल्याने मोठी खळबळ उडाली होती. देवस्थान जरी गडाखांच्या ताब्यात होते तरी ग्रामपंचायतची सत्ता मात्र, नेहमी विरोधाकांच्याच राहिली आहे. त्यामुळे भाजपच्या वतीने भाजप तालुकाध्यक्ष ज्ञानेश्वर पेचे यांच्यासह भारतीय जनता युवा मोर्चाचे अध्यक्ष सतीश कर्डिले आणि कार्यकर्त्यांनी मुंबई येथे मुख्यमंत्री देवेंद्र फडणवीस यांची भेट घेऊन त्यांचा सत्कार केला.
या प्रसंगी नगरचे पालकमंत्री प्रा. राम शिंदे, आमदार बाळासाहेब मुरकुटे, आमदार शिवाजीराव कर्डिले, सरपंच बाळासाहेब बानकर, माजी विश्वस्त बापूसाहेब शेटे, बाळासाहेब बोरुडे, गोपीनाथ देठे, शिवाजीराव शेटे, डॉ. राजेंद्र शेटे, तुकाराम बानकर आदी उपस्थित होते.