म. टा. वृत्तसेवा, नेवासे
नेवासा तालुक्यात दोन दिवसांपासून ठिकठिकाणी झालेल्या पावसामुळे नदी-नाले दुथडी भरून वाहत आहेत. तर अनेक ठिकाणी घरांची पडझड झाली आहे. तालुक्यातील खेडले काजळी येथील कुटुंबांना सुरक्षित स्थळी हलवण्यात आले आहे. या नुकसानग्रस्त भागाची पाहणी करून पंचनामे करण्याचे आदेश आमदार बाळासाहेब मुरकुटे यांनी दिले.
अनेक ठिकाणी पिकांचे नुकसान झाले. ऊस, मका, कडवळ, कपाशी, सोयाबीन, बाजरी यासारखी पिके खाली पडली तर अनेक पिकांमध्ये पाणी साचले आहे. काही ठिकाणी पिकांना चारीचे पाणी सोडले होते त्यातच पाऊस झाल्याने शेतात पाणी साचले असून पिके पिवळी पडण्याच्या मार्गावर आहेत. ओढे-नाल्यांना पाणी आल्याने अनेक वाड्या वस्त्यांवरील रस्ते वाहतुकीसाठी बंद झाले होते. कुकाणा-दहिगाव रस्त्यावरील ओढ्याला पाणी आल्याने वाहतूक बंद होती. भेंडे येथील भेंडा-रांजणगाव रस्त्यावरील सौंदाळा हद्दीतील दहा एकरचा पाझर तलाव पूर्ण क्षमतेने भरण्याची पहिलीच वेळ आहे. सोनई येथील कौतुकी नदीला पूर आल्याने दुकानांमध्ये पुराचे पाणी घुसल्याने नुकसान झाले. खेडलेकाजळी येथील वस्तीवर घरांची पडझड झाल्याने येथील कुटुंबांना गावातील शाळेत स्थलांतरित करण्यात आले. नेवासा शहरातील लक्ष्मीनगर येथील दूरसंचार टॉवर जवळील घरांच्या भिंती पडल्या. मारुतीनगर, गंगानगर भागात ही मोठ्या प्रमाणावर घरांच्या भिंतींची पडझड झाली. या घरांची नगराध्यक्ष संगीता बर्डे, नगरसेविका अंबिका ईरले, नगरसेवक सचिन वडागळे यांनी पहाणी केली.
तालुक्यातील शिरेगाव, खेडले परमानंद, पानेगाव, करजगाव, अमळनेर, निंभारी, हवालदार वस्ती, राजळे वस्ती येथे अतिवृष्टीमुळे शेतमालाचे मोठ्या प्रमाणावर नुकसान झाले. या भागाची आमदार बाळासाहेब मुरकुटे यांच्या समवेत तहसीलदार उमेश पाटील, प्रांताधिकारी आंबेकर, सार्वजनिक बांधकाम विभागाचे अभियंता नरसाळे यांनी पाहणी केली. नुकसानग्रस्त भागाचे पंचनामे करण्याचे आदेश देण्यात आले.
चौकट ः
नदी दुथडी; दक्षतेचा इशारा
जोरदार पावसामुळे मुळा व प्रवरा नद्या दुथडी भरून वाहत आहेत. त्यामुळे नदीकाठच्या गावांना दक्षतेचा इशारा देण्यात आला आहे. नेवाशाच्या मध्यमेश्वर बंधाऱ्यासह पाचेगाव व पुनतगाव येथील बंधाऱ्यांच्या सर्व फळ्या काढण्यात आल्या आहेत.
नेवासा तालुक्यात दोन दिवसांपासून ठिकठिकाणी झालेल्या पावसामुळे नदी-नाले दुथडी भरून वाहत आहेत. तर अनेक ठिकाणी घरांची पडझड झाली आहे. तालुक्यातील खेडले काजळी येथील कुटुंबांना सुरक्षित स्थळी हलवण्यात आले आहे. या नुकसानग्रस्त भागाची पाहणी करून पंचनामे करण्याचे आदेश आमदार बाळासाहेब मुरकुटे यांनी दिले.
अनेक ठिकाणी पिकांचे नुकसान झाले. ऊस, मका, कडवळ, कपाशी, सोयाबीन, बाजरी यासारखी पिके खाली पडली तर अनेक पिकांमध्ये पाणी साचले आहे. काही ठिकाणी पिकांना चारीचे पाणी सोडले होते त्यातच पाऊस झाल्याने शेतात पाणी साचले असून पिके पिवळी पडण्याच्या मार्गावर आहेत. ओढे-नाल्यांना पाणी आल्याने अनेक वाड्या वस्त्यांवरील रस्ते वाहतुकीसाठी बंद झाले होते. कुकाणा-दहिगाव रस्त्यावरील ओढ्याला पाणी आल्याने वाहतूक बंद होती. भेंडे येथील भेंडा-रांजणगाव रस्त्यावरील सौंदाळा हद्दीतील दहा एकरचा पाझर तलाव पूर्ण क्षमतेने भरण्याची पहिलीच वेळ आहे. सोनई येथील कौतुकी नदीला पूर आल्याने दुकानांमध्ये पुराचे पाणी घुसल्याने नुकसान झाले. खेडलेकाजळी येथील वस्तीवर घरांची पडझड झाल्याने येथील कुटुंबांना गावातील शाळेत स्थलांतरित करण्यात आले. नेवासा शहरातील लक्ष्मीनगर येथील दूरसंचार टॉवर जवळील घरांच्या भिंती पडल्या. मारुतीनगर, गंगानगर भागात ही मोठ्या प्रमाणावर घरांच्या भिंतींची पडझड झाली. या घरांची नगराध्यक्ष संगीता बर्डे, नगरसेविका अंबिका ईरले, नगरसेवक सचिन वडागळे यांनी पहाणी केली.
तालुक्यातील शिरेगाव, खेडले परमानंद, पानेगाव, करजगाव, अमळनेर, निंभारी, हवालदार वस्ती, राजळे वस्ती येथे अतिवृष्टीमुळे शेतमालाचे मोठ्या प्रमाणावर नुकसान झाले. या भागाची आमदार बाळासाहेब मुरकुटे यांच्या समवेत तहसीलदार उमेश पाटील, प्रांताधिकारी आंबेकर, सार्वजनिक बांधकाम विभागाचे अभियंता नरसाळे यांनी पाहणी केली. नुकसानग्रस्त भागाचे पंचनामे करण्याचे आदेश देण्यात आले.
चौकट ः
नदी दुथडी; दक्षतेचा इशारा
जोरदार पावसामुळे मुळा व प्रवरा नद्या दुथडी भरून वाहत आहेत. त्यामुळे नदीकाठच्या गावांना दक्षतेचा इशारा देण्यात आला आहे. नेवाशाच्या मध्यमेश्वर बंधाऱ्यासह पाचेगाव व पुनतगाव येथील बंधाऱ्यांच्या सर्व फळ्या काढण्यात आल्या आहेत.