म. टा. वृत्तसेवा, नेवासे
शेतात पाणी घेण्याच्या वादातून पोलिसांकडून शेतकऱ्यांना झालेल्या मारहाणीचे प्रकरण चिघळले आहे. रविवारी रात्री अज्ञातांकडून तालुक्यातील घोडेगाव व चिलेखनवाडी येथील मुळा पाटबंधारे विभागाचे कार्यालय जाळण्याचा प्रयत्न केला. रात्रपाळीला असणाऱ्या रखवालदारांनी आग आटोक्यात आणल्याने पुढील अनर्थ टळला.
याबाबत माहिती अशी, रविवारी रात्री पावणे अकराच्या सुमारास रखवालदारांनी काही व्यक्ती सोनई रस्त्यावर उभ्या असलेल्या पाहिल्या. त्यानंतर कार्यालयाच्या खालून जळाल्याचा वास आला व धूरही आला. तेवढ्यात दोन अज्ञात व्यक्ती कार्यालय इमारतीजवळून पळून गेल्याचे दिसले. रखवालदारांनी वेळ वाया न घालवता पाणी टाकून आग विझविली आणि उपअभियंता अशोक साळुंके यांना या घटनेची माहिती दिली. उपअभियंता साळुंके यांनी घोडेगाव वस्तीवर असणाऱ्या पोलिस हवालदारास घटनेची माहिती दिली. या प्रकाराची पोलिस ठाण्यात साळुंके यांनी फिर्याद दिली असून अज्ञात व्यक्तींवर गुन्हा दाखल झाला आहे.
तालुक्यातील चिलेखनवाडी मुळा पाटबंधारे उपविभाग कार्यालय पेटल्याची घटना घडली. यामध्ये कार्यालयातील वायरलेस फोन सेट, दोन खुर्च्यांचे नुकसान झाले. एकाच रात्री दोन कार्यालयात जाळपोळीच्या घटना घडल्याने तालुक्यात उलटसुलट चर्चा सुरू आहेत.
तिसऱ्यांदा जाळपोळ
मुळा वसाहतीमध्ये कार्यालय जाळण्याचा हा प्रकार तिसऱ्यांदा होत आहे. पहिला प्रकार उप अभियंता सोनवणे यांच्या काळात घडला होता. यात रेकॉर्ड रूम जळाली होती. दुसरा प्रकार घोडेगाव येथे माजी आमदार शंकरराव गडाख यांनी बंधारे भरण्यासाठी शेतकरी आंदोलन केले त्या वेळी घडली. तेव्हा मुख्य कार्यालयावर पेट्रोल टाकून जाळण्याचा प्रयत्न झाला. त्यानंतर तिसरा प्रकार रविवारी घडला. या आगीत कार्यालयाचे दोन लाकडी दरवाजे पेट्रोल टाकून जाळण्यात आले. इलेक्ट्रिक वायरिंग जळाली आहे.
शेतकऱ्यांवर गुन्हा दाखल
पाटाचे पाणी बेकायदा घेतल्याप्रकरणी हरिभाऊ खाटिक व संतोष खाटिक (रा. पाथरवाला, ता. नेवासे) यांच्याविरुद्ध मुळा पाटबंधारेचे कालवा निरीक्षक भाऊसाहेब सावळेराम बोरुडे यांनी दिलेल्या फिर्यादीवरून गुन्हा दाखल केला आहे.
शेतात पाणी घेण्याच्या वादातून पोलिसांकडून शेतकऱ्यांना झालेल्या मारहाणीचे प्रकरण चिघळले आहे. रविवारी रात्री अज्ञातांकडून तालुक्यातील घोडेगाव व चिलेखनवाडी येथील मुळा पाटबंधारे विभागाचे कार्यालय जाळण्याचा प्रयत्न केला. रात्रपाळीला असणाऱ्या रखवालदारांनी आग आटोक्यात आणल्याने पुढील अनर्थ टळला.
याबाबत माहिती अशी, रविवारी रात्री पावणे अकराच्या सुमारास रखवालदारांनी काही व्यक्ती सोनई रस्त्यावर उभ्या असलेल्या पाहिल्या. त्यानंतर कार्यालयाच्या खालून जळाल्याचा वास आला व धूरही आला. तेवढ्यात दोन अज्ञात व्यक्ती कार्यालय इमारतीजवळून पळून गेल्याचे दिसले. रखवालदारांनी वेळ वाया न घालवता पाणी टाकून आग विझविली आणि उपअभियंता अशोक साळुंके यांना या घटनेची माहिती दिली. उपअभियंता साळुंके यांनी घोडेगाव वस्तीवर असणाऱ्या पोलिस हवालदारास घटनेची माहिती दिली. या प्रकाराची पोलिस ठाण्यात साळुंके यांनी फिर्याद दिली असून अज्ञात व्यक्तींवर गुन्हा दाखल झाला आहे.
तालुक्यातील चिलेखनवाडी मुळा पाटबंधारे उपविभाग कार्यालय पेटल्याची घटना घडली. यामध्ये कार्यालयातील वायरलेस फोन सेट, दोन खुर्च्यांचे नुकसान झाले. एकाच रात्री दोन कार्यालयात जाळपोळीच्या घटना घडल्याने तालुक्यात उलटसुलट चर्चा सुरू आहेत.
तिसऱ्यांदा जाळपोळ
मुळा वसाहतीमध्ये कार्यालय जाळण्याचा हा प्रकार तिसऱ्यांदा होत आहे. पहिला प्रकार उप अभियंता सोनवणे यांच्या काळात घडला होता. यात रेकॉर्ड रूम जळाली होती. दुसरा प्रकार घोडेगाव येथे माजी आमदार शंकरराव गडाख यांनी बंधारे भरण्यासाठी शेतकरी आंदोलन केले त्या वेळी घडली. तेव्हा मुख्य कार्यालयावर पेट्रोल टाकून जाळण्याचा प्रयत्न झाला. त्यानंतर तिसरा प्रकार रविवारी घडला. या आगीत कार्यालयाचे दोन लाकडी दरवाजे पेट्रोल टाकून जाळण्यात आले. इलेक्ट्रिक वायरिंग जळाली आहे.
शेतकऱ्यांवर गुन्हा दाखल
पाटाचे पाणी बेकायदा घेतल्याप्रकरणी हरिभाऊ खाटिक व संतोष खाटिक (रा. पाथरवाला, ता. नेवासे) यांच्याविरुद्ध मुळा पाटबंधारेचे कालवा निरीक्षक भाऊसाहेब सावळेराम बोरुडे यांनी दिलेल्या फिर्यादीवरून गुन्हा दाखल केला आहे.