नगर : सावेडी उपनगरातील ढवणवस्ती येथे रात्रीच्या वेळी चोरट्यांनी घरात घुसून एक तोळा सोन्याचे दागिने व ४० हजार रुपयांची रोकड चोरून नेली. शनिवारी रात्री ही चोरी झाली आहे. याप्रकरणी तोफखाना पोलिस स्टेशनला अज्ञात चोरट्यांविरुद्ध चोरीचा गुन्हा नोंदविण्यात आला आहे. धनराज रतन सोनवणे व त्यांच्या घरातील इतर सदस्य शनिवारी रात्री घरात झोपले होते. त्यानंतर अज्ञात चोरट्याने घराचा दरवाजा उघडून घरात प्रवेश केला. घरातील साहित्याची उचकापाचक करून सोन्याची दागिने व रक्कम चोरून नेले. दुसऱ्या दिवशी रविवारी सकाळी सोनवणे कुटुंबातील सदस्य उठल्यानंतर घराचा दरवाजा उघडा असल्याचे लक्षात आले. त्यानंतर घरात उचकापाचक करून चोरी झाल्याचे त्यांच्या लक्षात आले. याप्रकरणी तोफखाना पोलिस स्टेशनला माहिती दिल्यानंतर पोलिस कर्मचाऱ्यांनी घटनास्थळी येऊन पाहणी केली.
दागिने, पैसे चोरीला
सावेडी उपनगरातील ढवणवस्ती येथे रात्रीच्या वेळी चोरट्यांनी घरात घुसून एक तोळा सोन्याचे दागिने व ४० हजार रुपयांची रोकड चोरून नेली...
महाराष्ट्र टाइम्स.कॉम 30 Sep 2019, 4:00 am