म. टा. प्रतिनिधी, नगर
तीस लाख रुपयांच्या खंडणीसाठी व्यापाऱ्याचे अपहरण करणाऱ्या टोळीतील सादिक नवाब शेख (वय ४५) व गीताराम तांबे यांना पोलिसांनी वांभोरी परिसरातील गुंजाळे घाट परिसरात पाठलाग करून पकडले. टोळीमधील इतर तीन जण पळाले असून, पोलिस त्यांचा शोध घेत आहेत. दरम्यान, या टोळीने अपहरण केलेले व्यापारी सुरेश लालचंद मुनोत यांची पोलिसांनी सुटका केली असून त्यांच्यावर रुग्णालयामध्ये उपचार सुरू आहेत.
पाइपलाइन रोडवर सुरेश मुनोत यांची आनंद गॅस एजन्सी आहे. त्यांच्याच एजन्सीमध्ये काम करणाऱ्या आरोपी सादिक शेख याने आपल्या चार साथीदारांसह तीस लाख रुपयांच्या खंडणीसाठी सुरेश मुनोत यांचे शुक्रवारी रात्री अपहरण केले. याबाबत मुनोत यांचा मुलगा विवेक सुरेश मुनोत याने तोफखाना पोलिस स्टेशनला फिर्याद दिली. फिर्यादीत म्हटले आहे, “सुरेश मुनोत शुक्रवारी रात्री आपल्या एजन्सीमधून परतले नसून ते दुकानामध्ये काम करणाऱ्या सादीक शेख याच्यासोबत दुचाकीवर गेले होते. त्यानंतर आरोपी सादीक शेख याने सुरेश मुनोत यांच्या मुलाला फोन करून, ‘तुझे वडील आमच्या ताब्यात आहेत. मी माणसे पाठवतो. तू त्यांच्याकडे पैसे दे,’ असे सांगितले.” त्यानंतर पोलिसांना मिळालेल्या माहितीनुसार वांभोरी परिसरात असणाऱ्या जंगलात शोध घेतला. जंगलामध्ये एका चारचाकी गाडीमध्ये सुरेश मुनोत यांना ठेवले असल्याचे आढळले.
खंडणी, मारहाण
व्यापाऱ्याचे अपहरण करुन आरोपींनी ३० लाख रुपयांची खंडणी मागितली असल्याचे तपासात समोर आले आहे. या व्यापाऱ्याच्या मतानुसार, आरोपींनी पिस्तूल दाखवले असून मारहाणसुद्धा केली. दरम्यान, या घटनेतील इतर आरोपींनाही पोलिस तातडीने पकडतील, अशी माहिती सहायक पोलिस अधीक्षक चिन्मय पंडित यांनी दिली.
तीस लाख रुपयांच्या खंडणीसाठी व्यापाऱ्याचे अपहरण करणाऱ्या टोळीतील सादिक नवाब शेख (वय ४५) व गीताराम तांबे यांना पोलिसांनी वांभोरी परिसरातील गुंजाळे घाट परिसरात पाठलाग करून पकडले. टोळीमधील इतर तीन जण पळाले असून, पोलिस त्यांचा शोध घेत आहेत. दरम्यान, या टोळीने अपहरण केलेले व्यापारी सुरेश लालचंद मुनोत यांची पोलिसांनी सुटका केली असून त्यांच्यावर रुग्णालयामध्ये उपचार सुरू आहेत.
पाइपलाइन रोडवर सुरेश मुनोत यांची आनंद गॅस एजन्सी आहे. त्यांच्याच एजन्सीमध्ये काम करणाऱ्या आरोपी सादिक शेख याने आपल्या चार साथीदारांसह तीस लाख रुपयांच्या खंडणीसाठी सुरेश मुनोत यांचे शुक्रवारी रात्री अपहरण केले. याबाबत मुनोत यांचा मुलगा विवेक सुरेश मुनोत याने तोफखाना पोलिस स्टेशनला फिर्याद दिली. फिर्यादीत म्हटले आहे, “सुरेश मुनोत शुक्रवारी रात्री आपल्या एजन्सीमधून परतले नसून ते दुकानामध्ये काम करणाऱ्या सादीक शेख याच्यासोबत दुचाकीवर गेले होते. त्यानंतर आरोपी सादीक शेख याने सुरेश मुनोत यांच्या मुलाला फोन करून, ‘तुझे वडील आमच्या ताब्यात आहेत. मी माणसे पाठवतो. तू त्यांच्याकडे पैसे दे,’ असे सांगितले.” त्यानंतर पोलिसांना मिळालेल्या माहितीनुसार वांभोरी परिसरात असणाऱ्या जंगलात शोध घेतला. जंगलामध्ये एका चारचाकी गाडीमध्ये सुरेश मुनोत यांना ठेवले असल्याचे आढळले.
खंडणी, मारहाण
व्यापाऱ्याचे अपहरण करुन आरोपींनी ३० लाख रुपयांची खंडणी मागितली असल्याचे तपासात समोर आले आहे. या व्यापाऱ्याच्या मतानुसार, आरोपींनी पिस्तूल दाखवले असून मारहाणसुद्धा केली. दरम्यान, या घटनेतील इतर आरोपींनाही पोलिस तातडीने पकडतील, अशी माहिती सहायक पोलिस अधीक्षक चिन्मय पंडित यांनी दिली.