नगर
कोपर्डीप्रकरणी ठिकठिकाणी निषेध मोर्चा, मेणबत्ती मार्च काढून निषेध केला जात असताना, येथील पिपल्स हेल्पलाइनच्या वतीने, तीन्ही आरोपींच्या प्रतिकात्मक पुतळ्यांचे हात-पाय सुरीने कापून जिल्हाधिकारी कार्यासमोर निषेध करण्यात आला.
या आंदोलनात उपस्थित असलेल्या महिलांनी तीन्ही आरोपींच्या प्रतिकात्मक पुतळ्याचे हात-पाय सुरीने कापले. या आरोपींना समाजातील सडके जंतू घोषित करून, त्यांना धोत्र्याची फुले वाहून मृतांजली वाहण्यात आली. मानवी समाजाला कलंक लावणारी कोपर्डीची घटना असल्याने तोंड कडू करण्यासाठी नागरिकांना कडू लिंबाचा पाला वाटून ही अपप्रवृत्ती ठेचण्याचे आवाहन करण्यात आले आहे. कायद्याचा वचक निर्माण होऊन समाजात महिलांकडे कुणीही वाईट नजरेने पाहू नये, यासाठी या प्रकारची शिक्षा आरोपींना देण्याची गरज असल्याची प्रतिक्रिया उपस्थित महिलांनी व्यक्त केली. दिल्लीतील निर्भया प्रकरणानंतर केंद्र सरकारने कायद्यात बदल केला आहे. परंतु, त्याची दहशत समाजात निर्माण न झाल्याने कोपर्डीचे प्रकरण घडले. कायदामध्ये बदल करण्याची गरज असल्याचे मत पिपल्स हेल्पलाइन संघटनेचे अॅड. कारभारी गवळी यांनी मांडले. या वेळी प्रकाश थोरात, अॅड. लक्ष्मण पोकळे, सखाराम सरक, शाहिर कान्हू सुंबे, अंबिका नागूल, अंबादास दरेकर, अॅड. संजय जव्हेरी आदींसह महिला उपस्थित होत्या.
कोपर्डीप्रकरणी ठिकठिकाणी निषेध मोर्चा, मेणबत्ती मार्च काढून निषेध केला जात असताना, येथील पिपल्स हेल्पलाइनच्या वतीने, तीन्ही आरोपींच्या प्रतिकात्मक पुतळ्यांचे हात-पाय सुरीने कापून जिल्हाधिकारी कार्यासमोर निषेध करण्यात आला.
या आंदोलनात उपस्थित असलेल्या महिलांनी तीन्ही आरोपींच्या प्रतिकात्मक पुतळ्याचे हात-पाय सुरीने कापले. या आरोपींना समाजातील सडके जंतू घोषित करून, त्यांना धोत्र्याची फुले वाहून मृतांजली वाहण्यात आली. मानवी समाजाला कलंक लावणारी कोपर्डीची घटना असल्याने तोंड कडू करण्यासाठी नागरिकांना कडू लिंबाचा पाला वाटून ही अपप्रवृत्ती ठेचण्याचे आवाहन करण्यात आले आहे. कायद्याचा वचक निर्माण होऊन समाजात महिलांकडे कुणीही वाईट नजरेने पाहू नये, यासाठी या प्रकारची शिक्षा आरोपींना देण्याची गरज असल्याची प्रतिक्रिया उपस्थित महिलांनी व्यक्त केली. दिल्लीतील निर्भया प्रकरणानंतर केंद्र सरकारने कायद्यात बदल केला आहे. परंतु, त्याची दहशत समाजात निर्माण न झाल्याने कोपर्डीचे प्रकरण घडले. कायदामध्ये बदल करण्याची गरज असल्याचे मत पिपल्स हेल्पलाइन संघटनेचे अॅड. कारभारी गवळी यांनी मांडले. या वेळी प्रकाश थोरात, अॅड. लक्ष्मण पोकळे, सखाराम सरक, शाहिर कान्हू सुंबे, अंबिका नागूल, अंबादास दरेकर, अॅड. संजय जव्हेरी आदींसह महिला उपस्थित होत्या.