पत्नीला करोना, मंत्री झाले क्वॉरंटाइन; मराठवाड्यातील आमदारही पॉझिटिव्ह

नगर: राज्याचे जलसंधारण मंत्री शंकरराव गडाख यांच्या पत्नीला करोनाची लागण झाली आहे. त्यामुळे गडाख स्वत: क्वॉरंटाइन झाले असून कुणीही भेटायला येऊ नये असं आवाहन त्यांनी कार्यकर्त्यांना केलं आहे. तर राष्ट्रवादीचे मराठवाड्यातील विधान परिषदेचे सदस्य बाबाजानी दुर्रानी यांनाही करोनाची लागण झाली असून त्यांच्यावर उपचार सुरू आहेत.

शंकरराव गडाख यांच्या पत्नी आणि नेवासा पंचायत समितीच्या माजी सभापती सुनिताताई गडाख यांची काल करोना चाचणी करण्यात आली होती. आज त्यांचा करोना चाचणी अहवाल पॉझिटिव्ह आल्याने त्यांना रुग्णालयात उपचारासाठी दाखल करण्यात आले आहे. स्वत: गडाख यांनी ट्विटर आणि फेसबुकवरून ही माहिती दिली आहे. तसेच आपण होम क्वॉरंटाइन होणार असून काही दिवस कुणालाही भेटणार नसल्याचं त्यांनी म्हटलं आहे. शिवाय तुम्हीही तुमच्या घरीच राहा. कुटुंबीयांची काळजी घ्या, असं आवाहन गडाख यांनी केलं आहे.


aurangabad : 'या' शहरात करोना चाचणी केल्याशिवाय दुकाने उघडण्यास बंदी; गुन्हा दाखल करणार

तर राष्ट्रवादीचे मराठवाड्यातील विधान परिषद सदस्य बाबाजानी दुर्रानी यांनाही करोनाची लागण झाली आहे. त्यामुळे त्यांना रुग्णालयात दाखल करण्यात आलं असून त्यांच्यावर उपचार सुरू आहेत. तसेच त्यांच्या कुटुंबीयांना होम क्वॉरंटाइन करण्यात आलं असून त्यांच्या संपर्कात आलेल्यांचा शोध घेण्यात येत आहे. दुर्रानी यांची प्रकृती स्थिर असल्याचं त्यांच्या निकटवर्तीयांनी सांगितलं.

करोना: आनंदाची बातमी! 'या' लशीची तिसऱ्या टप्प्यातील चाचणी सुरू

पिशवीतील दूध वापरताना करोनाला कसे दूर ठेवावे? FSSAIने दिला सल्ला