म. टा. प्रतिनिधी, नगर
मास्टर ब्लास्टर, खासदार सचिन तेंडूलकर यांनी सोमवारी सहकुटुंब शिर्डीत येऊन साईबाबांच्या समाधीचे दर्शन घेतले. तब्बल दहा वर्षांनंतर सचिन शिर्डीत आले होते. त्यांना पाहण्यासाठी मंदिर परिसरात चाहत्यांची मोठी गर्दी झाली होती.
सोमवारी दुपारी सचिन, पत्नी अंजली, मुलगा अर्जुन हे तिघे आपल्या मित्रपरिवारासह खास विमानाने शिर्डीत आले. त्यांनी मंदिरात जाऊन दर्शन घेतले. साईंची पाद्यपूजाही केली. साईबाबा संस्थानचे मुख्य कार्यकारी अधिकारी दीपक मुगळीकर यांनी तेंडूलकरांचा शॉल आणि मूर्ती देऊन सत्कार केला. शिर्डीकरांतर्फे नगराध्यक्षा अर्चना कोते यांनी साईबाबांची प्रतिमा देऊन त्यांचे स्वागत केले.
सचिन येणार असल्याची माहिती मिळाल्याने चाहत्यांनी आधापासूनच मंदिर परिसरात गर्दी केली होती. आगमन झाल्यानंतर 'सचिन सचिन' अशा घोषणा देण्यात आल्या. तेंडूलकर कुटुंबीय दर्शन घेऊन परत जाईपर्यंत पोलिसांना गर्दी आवरण्यासाठी मोठी कसरत करावी लागली. आजारी असल्याचे कारण सांगून सचिनने या वेळी बोलणे टाळले. सचिन साईभक्त असले तरी तब्बल दहा वर्षांनंतर ते शिर्डीत आले होते.
मास्टर ब्लास्टर, खासदार सचिन तेंडूलकर यांनी सोमवारी सहकुटुंब शिर्डीत येऊन साईबाबांच्या समाधीचे दर्शन घेतले. तब्बल दहा वर्षांनंतर सचिन शिर्डीत आले होते. त्यांना पाहण्यासाठी मंदिर परिसरात चाहत्यांची मोठी गर्दी झाली होती.
सोमवारी दुपारी सचिन, पत्नी अंजली, मुलगा अर्जुन हे तिघे आपल्या मित्रपरिवारासह खास विमानाने शिर्डीत आले. त्यांनी मंदिरात जाऊन दर्शन घेतले. साईंची पाद्यपूजाही केली. साईबाबा संस्थानचे मुख्य कार्यकारी अधिकारी दीपक मुगळीकर यांनी तेंडूलकरांचा शॉल आणि मूर्ती देऊन सत्कार केला. शिर्डीकरांतर्फे नगराध्यक्षा अर्चना कोते यांनी साईबाबांची प्रतिमा देऊन त्यांचे स्वागत केले.
सचिन येणार असल्याची माहिती मिळाल्याने चाहत्यांनी आधापासूनच मंदिर परिसरात गर्दी केली होती. आगमन झाल्यानंतर 'सचिन सचिन' अशा घोषणा देण्यात आल्या. तेंडूलकर कुटुंबीय दर्शन घेऊन परत जाईपर्यंत पोलिसांना गर्दी आवरण्यासाठी मोठी कसरत करावी लागली. आजारी असल्याचे कारण सांगून सचिनने या वेळी बोलणे टाळले. सचिन साईभक्त असले तरी तब्बल दहा वर्षांनंतर ते शिर्डीत आले होते.